ആദിവാസി യുവാക്കൾ തമ്മിൽ അമ്പെയ്‌ത്ത്; ഒരാൾ മരിച്ചു

ആന്ധ്രാപ്രദേശിലെ തുമ്മലബൈലു ഗ്രാമത്തിലാണ് സംഭവം.

അമരാവതി: മദ്യപിച്ച് പരസ്‌പരം അമ്പെയ്‌ത രണ്ടു യുവാക്കളിൽ ഒരാൾ മരിച്ചു. ആന്ധ്രാപ്രദേശിലെ തുമ്മലബൈലു ഗ്രാമത്തിലാണ് സംഭവം. ചെഞ്ചു ആദിവാസി വിഭഗത്തിൽ പെടുന്ന സരി മൊഗന്നയാണ് മരിച്ചത്.

വയറ്റിൽ അമ്പു തുളച്ചുകയറി ഗുരുതരമായി പരിക്കേറ്റ മൊഗന്നയെ ഡോർനാല ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല. പൊലീസ് കേസ് രജിസ്റ്റർ ചെയ്‌തു. അമ്പെയ്‌ത ആളെ ഇതുവരെ അറസ്റ്റ് ചെയ്യാനായിട്ടില്ല.