ജമ്മുവിൽ കനത്ത മഴയിൽ കുടുങ്ങിയ 41 പേരെ സൈന്യം രക്ഷപ്പെടുത്തി

കനത്ത മഴയിൽ മുഗൾ റോഡിലെ ഗതാഗതം തടസപ്പെട്ടിരുന്നു.

ശ്രീനഗർ: ജമ്മുവിൽ കനത്ത മഴയിൽ മുഗൾ റോഡിൽ കുടുങ്ങിയ 41 പേരെ സൈന്യം രക്ഷപ്പെടുത്തി. വെള്ളിയാഴ്‌ച രാത്രി മൂന്ന് മണിക്കൂർ നീണ്ട രക്ഷാ പ്രവർത്തനത്തിനൊടുവിലാണ് ഇവരെ സുരക്ഷിത സ്ഥാനത്തെത്തിച്ചത്.

കനത്ത മഴയിൽ മരങ്ങൾ വീണതും ഇടിമിന്നലും കാരണം മുഗൾ റോഡിലെ ഗതാഗതം തടസപ്പെട്ടിരുന്നു. രക്ഷപ്പെടുത്തിയ യാത്രക്കാർക്ക് ഭക്ഷണവും മറ്റും നൽകിയതായി അധികൃതർ അറിയിച്ചു. ആര്‍ക്കും പരിക്കില്ലെന്നും ഉദ്യോഗസ്ഥര്‍ വ്യക്തമാക്കി.