ന്യൂഡല്‍ഹി : ഉഭയകക്ഷിബന്ധം മെച്ചപ്പെടുത്തുന്നതിന്‍റെ ഭാഗമായി കരസേന മേധാവി ജനറൽ എം.എം നരവനെ ബുധനാഴ്ച ഇറ്റലിയിലെത്തി. ദ്വിരാഷ്ട്ര പര്യടനത്തിന്‍റെ രണ്ടാം ഘട്ടത്തില്‍ യു.കെയില്‍ നിന്നുമാണ് അദ്ദേഹം ഇറ്റലിയിലെത്തിയത്. രണ്ടുദിവസത്തെ സന്ദർശനത്തിനാണ് കരസേന മേധാവി ഇവിടെയെത്തിയത്.
ഇരുരാജ്യങ്ങളും തമ്മിലുള്ള തന്ത്രപരവും പ്രതിരോധപരവുമായ സഹകരണം കൂടുതൽ ശക്തിപ്പെടുത്തുകയെന്നതാണ് പര്യടന ലക്ഷ്യമെന്ന് കരസേന ട്വീറ്റ് ചെയ്തു. ഇറ്റലിയുടെ പ്രതിരോധ മേധാവിയുമായി, നരവനെ സുപ്രധാന ചർച്ചകൾ നടത്തും.