പത്താം ക്ലാസ് വിദ്യാർഥിയുമായി പ്രണയം ; അധ്യാപിക പോക്സോ കേസില്‍ അറസ്റ്റില്‍

നടപടി വിദ്യാർഥിയുടെ മാതാപിതാക്കൾ നൽകിയ പരാതിയില്‍

അരിയലൂർ (തമിഴ്‌നാട്) :സ്കൂൾ വിദ്യാർഥിയുമായി പ്രണയബന്ധം ആരോപിച്ച് അധ്യാപികയെ പോക്‌സോ കേസില്‍ അറസ്റ്റ് ചെയ്‌തു. തമിഴ്‌നാട്ടിലെ അരിയലൂരിലാണ് സംഭവം. പത്താം ക്ലാസ് വിദ്യാർഥിയുമായി അധ്യാപിക പ്രണയത്തിലാണെന്ന് ആരോപിച്ച് വിദ്യാർഥിയുടെ മാതാപിതാക്കൾ പൊലീസിൽ പരാതി നൽകുകയായിരുന്നു.

പരാതിയുടെ അടിസ്ഥാനത്തിൽ അരിയലൂർ പൊലീസ് പ്രാഥമിക അന്വേഷണം നടത്തി. അധ്യാപികയെയും വിദ്യാർഥിയെയും ചോദ്യം ചെയ്തതിൽ നിന്ന് സംഭവം സത്യമാണെന്ന് തെളിഞ്ഞു. ഇതോടെയാണ് പോക്‌സോ നിയമപ്രകാരം കേസെടുത്ത് അധ്യാപികയെ അറസ്റ്റ് ചെയ്‌തത്.

പുരുഷ അധ്യാപകർക്കും പ്രൊഫസർമാർക്കും എതിരെ തുടർച്ചയായ ലൈംഗികാതിക്രമ പരാതികൾ ഉയരുന്നതിനിടെയാണ് ഇത്തരത്തിലൊരു സംഭവം.