ഹൈദരാബാദ്:ബെംഗളൂരുവിലേക്കുള്ള യാത്രയ്‌ക്കിടെ ഇന്‍ഡിഗോ വിമാനത്തില്‍ ലഭിച്ച സ്വീകരണത്തിന് മനസുകൊണ്ട് നന്ദി കുറിച്ച് ബോളിവുഡിന്‍റെ പ്രിയതാരം അനുപം ഖേര്‍. ഇന്‍ഡിഗോ വിമാനത്തിന്‍റെ ക്രൂ അംഗങ്ങള്‍ കൈമാറിയ പ്രത്യേക കയ്യെഴുത്ത് കുറിപ്പും വിമാനത്തിലെ യാത്രക്കാര്‍ നല്‍കിയ ഊഷ്‌മള വരവേല്‍പ്പിനുമാണ് താരം സമൂഹമാധ്യമമായ ഇന്‍സ്‌റ്റഗ്രാമിലൂടെ നന്ദി അറിയിച്ചത്. തനിക്ക് വിമാനത്തില്‍ നിന്ന് ലഭിച്ച കുറിപ്പും രണ്ട് വീഡിയോകളുമാണ് താരം തന്‍റെ അക്കൗണ്ടിലൂടെ പങ്കുവച്ചത്.
ആരാധകരുടെ സ്വീകരണം: യാത്രക്കാര്‍ താരത്തിനൊപ്പം ഫോട്ടോയ്‌ക്ക് പോസ്‌ ചെയ്യാന്‍ ശ്രമിക്കുന്നതാണ് താരം പങ്കുവച്ച ആദ്യ വീഡിയോ. ഇതില്‍ ഫോട്ടോയ്‌ക്ക് സൗകര്യമൊരുക്കാനും താരത്തിനെ അഭിനന്ദിക്കാനുമായി ഒരു ക്രൂ മെമ്പര്‍ ആങ്കറായി പ്രവര്‍ത്തിക്കുന്നതും കാണാം. നിങ്ങൾ ഓരോരുത്തരും നിങ്ങളുടെ കസേരകളിൽ നിന്ന് എഴുന്നേൽക്കാൻ ഞാൻ ആഗ്രഹിക്കുകയാണ്.
കാരണം ഞങ്ങള്‍ക്ക് ഫോട്ടോയില്‍ എല്ലാവരെയും ഉള്‍പ്പെടുത്തണമെന്നുണ്ട്. മിസ്‌റ്റർ അനുപം ഖേറിന് ഹൃദയം നിറഞ്ഞ നന്ദിയറിയിച്ചുകൊണ്ട് കരഘോഷം മുഴക്കൂ എന്നും അവര്‍ യാത്രക്കാരോട് ആവശ്യപ്പെടുന്നതും വീഡിയോയില്‍ വ്യക്തമാണ്. ഫോട്ടോയ്‌ക്ക് ശേഷം ഇവര്‍ അനുപം ഖേറിന് നന്ദി അറിയിക്കുകയും ചെയ്‌തിരുന്നു.
നന്ദിയറിയിച്ച് താരം: തനിക്ക് ലഭിച്ച് സ്വീകരണത്തിന് അനുപം ഖേര്‍ നന്ദിയറിയിക്കുന്നതാണ് രണ്ടാമത്തെ വീഡിയോ. ഇതിനായി മൈക്രോഫോണ്‍ ഉപയോഗിച്ച്, താരം ഇങ്ങനെ തുടര്‍ന്നു: "എന്നെ ഈ രീതിയിൽ അഭിവാദ്യം ചെയ്‌തത് അവിശ്വസനീയമാണെന്ന് പറയാന്‍ ഞാന്‍ ആഗ്രഹിക്കുന്നു. ഈ മഹത്തായ അംഗീകാരത്തിന് ക്യാപ്റ്റന്‍, ക്രൂ, കൂടാതെ നിങ്ങൾക്കെല്ലാവർക്കും എന്‍റെ നന്ദി.