ആന്‍റിലിയ എസ്‌യുവി കേസ്; നാലാം പ്രതി അറസ്റ്റിൽ

സംഭവവുമായി ബന്ധപ്പെട്ട് നരേഷ് ഗോറെ, വിനായക് ഷിൻഡെ, സച്ചിൻ വാസെ എന്നിവരെ നേരത്തെ അറസ്റ്റ് ചെയ്തിരുന്നു

മുംബൈ: വ്യവസായി മുകേഷ് അംബാനിയുടെ വീടിന് പുറത്ത് സ്കോർപിയോ കാറിൽ സ്‌ഫോടകവസ്തുക്കൾ കണ്ടെത്തിയ കേസിലെ നാലാം പ്രതി കിഷോർ താക്കറിനെ എൻഐഎ അറസ്റ്റ് ചെയ്തു. സംഭവവുമായി ബന്ധപ്പെട്ട് നരേഷ് ഗോറെ, വിനായക് ഷിൻഡെ, സച്ചിൻ വാസെ എന്നിവരെ നേരത്തെ അറസ്റ്റ് ചെയ്തിരുന്നു.

നരേഷ് ഗോർ വഴി ഗുജറാത്തിൽ നിന്ന് ചില വ്യാജ സിം കാർഡുകൾ സച്ചിൻ വാസെ വാങ്ങിയിരുന്നു. വിനായക് ഷിൻഡെ നരേഷ് ഗോറിൽ നിന്ന് സിം കാർഡ് വാങ്ങി സച്ചിൻ വാസെക്ക് നൽകിയതായി എൻഐഎ പറയുന്നു. ഗുജറാത്തിൽ നിന്ന് കിഷോർ താക്കറിലൂടെയാണ് വ്യാജ സിം കാർഡ് ലഭിച്ചതെന്ന് അന്വേഷണത്തിൽ വ്യക്തമായി. കിഷോർ താക്കറുടെ ബന്ധുവും ചോദ്യം ചെയ്യലിന് ശേഷം അറസ്റ്റിലായി.

ഗോറും ഷിൻഡേയും ഏപ്രിൽ ഏഴ് വരെ എൻഐഎ കസ്റ്റഡിയിലാണ്. അതേസമയം, വസെയുടെ മറ്റൊരു വാഹനം എൻ‌ഐ‌എ പിടിച്ചെടുത്തു. ഈ കാർ 2011 ജൂൺ 23ന് സച്ചിൻ വെയ്‌സിന്‍റെ പേരിൽ രജിസ്റ്റർ ചെയ്തതാണ്. അതേസമയം, കേസുമായി ബന്ധപ്പെട്ട് എടിഎസിന്‍റെ വോൾവോ കാറും എൻഐഎ പിടിച്ചെടുത്തിട്ടുണ്ട്.