ലക്‌നൗ: നിയമസഭ തെരഞ്ഞെടുപ്പിന് മുന്നോടിയായി ഉത്തര്‍പ്രദേശ് സന്ദര്‍ശനത്തിന് കേന്ദ്ര ആഭ്യന്തര മന്ത്രി അമിത് ഷാ. ലക്‌നൗവിലെ ഉത്തര്‍പ്രദേശ് ഇന്‍സ്റ്റിറ്റ്യൂട്ട് ഓഫ് ഫോറന്‍സിക് സയന്‍സിന്‍റെയും മിര്‍സാപൂരിലെ വിന്ധ്യ ഇടനാഴിയുടേയും തറക്കല്ലിടല്‍ അദ്ദേഹം നിര്‍വഹിക്കും.
രാവിലെ 11.45 ന് പ്രത്യേക വിമാനത്തിലാണ് അമിത് ഷാ ലക്‌നൗവിലെത്തുന്നത്. ഉത്തര്‍പ്രദേശ് ഇന്‍സ്റ്റിറ്റ്യൂട്ട് ഓഫ് ഫോറന്‍സിക് സയന്‍സിന്‍റെ തറക്കല്ലിടല്‍ ചടങ്ങില്‍ പങ്കെടുത്തതിന് ശേഷം ചികിത്സയില്‍ കഴിയുന്ന മുന്‍ രാജസ്ഥാന്‍ മുഖ്യമന്ത്രി കല്യാണ്‍ സിങിനെ സന്ദര്‍ശിച്ചേക്കും.