സണ്ണി ഡിയോളിന്‍റെ (Sunny Deol) 'ഗദർ 2' (Gadar 2) തരംഗത്തെ അതിജീവിച്ച് തിയേറ്ററുകളിൽ ഇപ്പോഴും പ്രദര്‍ശനം തുടരുന്ന അക്ഷയ് കുമാര്‍ (Akshay Kumar) ചിത്രമാണ് 'ഓ മൈ ഗോഡ് 2' (OMG 2). 'ഓ മൈ ഗോഡ്' സീക്വലിന് ശേഷമുള്ള അക്ഷയ് കുമാറിന്‍റെ പുതിയ ചിത്രമാണ് 'സ്കൈ ഫോഴ്‌സ്‌' (Sky Force).
ആക്ഷന്‍ പവര്‍ പാക്ക്‌ഡ് ചിത്രം 'സ്കൈ ഫോഴ്‌സി'ന്‍റെ തിരക്കുകളിലേക്ക് കടന്നിരിക്കുകയാണ് അക്ഷയ് കുമാര്‍. 'സ്കൈ ഫോഴ്‌സ്‌' സെറ്റിലെ ഏതാനും വീഡിയോകള്‍ സോഷ്യല്‍ മീഡിയയില്‍ പ്രചരിക്കുകയാണ്. ഓഗസ്‌റ്റ് 24ന് അക്ഷയ് കുമാര്‍ തന്‍റെ പുതിയ ചിത്രത്തിന്‍റെ ലഖ്‌നൗവിലെ ഷൂട്ടിംഗ് സെറ്റില്‍ ജോയിന്‍ ചെയ്‌തതായി റിപ്പോര്‍ട്ടുകള്‍ ഉണ്ടായിരുന്നു.
'സ്കൈ ഫോഴ്‌സി'ന്‍റെ സിതാപൂരിലെ ഷൂട്ടിംഗ് ലൊക്കേഷനിലേക്ക് അക്ഷയ് കുമാര്‍ ഹെലികോപ്‌റ്ററിലാണ് എത്തിയത്. ലൊക്കേഷനില്‍ ഹെലികോപ്‌റ്ററില്‍ വന്നിറങ്ങിയ താരത്തിന് ഊഷ്‌മളമായ വരവേല്‍പ്പാണ് സംഘാടകര്‍ ഒരുക്കിയത്. ഇതിന്‍റെ ചിത്രങ്ങളും വീഡിയോകളുമാണ് സോഷ്യല്‍ മീഡിയയില്‍ വൈറലാവുന്നത്. താരത്തിന്‍റെ നിരവധി ഫാന്‍ പേജുകളിലും വീഡിയോ പ്രചരിക്കുകയാണ് (Akshay Kumar In Lucknow For Sky Force Shoot).
Also Read:Gadar 2 vs OMG 2 collection 400 കോടിയോട് അടുത്ത് ഗദര്‍ 2, 100 കോടി ക്ലബ്ബില്‍ ഒ മൈ ഗോഡ് 2
ഒരു പുതിയ കഥാപാത്രത്തെ അവതരിപ്പിക്കാൻ തയ്യാറായി, സെറ്റിലേക്ക് നിറഞ്ഞ പുഞ്ചിരിയോടെ ചുവടുവയ്‌ക്കുന്ന അക്ഷയ്‌കുമാറിനെയാണ് വീഡിയോയില്‍ ദൃശ്യമാവുക. സെറ്റിൽ നിന്നുള്ള മറ്റൊരു വീഡിയോയും സോഷ്യല്‍ മീഡിയയില്‍ പ്രചരിക്കുന്നുണ്ട്. സീതാപൂരിലെ പിഎസി ബറ്റാലിയനിലാണ് നിലവില്‍ സിനിമയുടെ ചിത്രീകരണം പുരോഗമിക്കുന്നത്.