ന്യൂഡൽഹി: ഡാനിഷ് സിദ്ദിഖിയുടെ ജോലിയോടുള്ള അഭിനിവേശമാണ് അദ്ദേഹത്തിന് പുലിസ്റ്റർ പുരസ്കാരം നേടിക്കൊടുത്തതെന്ന് ഡാനിഷിന്‍റെ പിതാവ് അക്തർ. അഫ്ഗാനിസ്ഥാനില്‍ കൊല്ലപ്പെട്ട പ്രശസ്ത ഫോട്ടോഗ്രാഫർ ഡാനിഷ് സിദ്ദിഖിയുടെ മരണ വാർത്ത അറിഞ്ഞ ശേഷം മാധ്യമങ്ങളോട് സംസാരിക്കുകയായിരുന്നു പിതാവ്. ഡാനിഷിന്‍റെ മൃതദേഹം എത്രയും വേഗം ഡൽഹിയിലേക്ക് എത്തിക്കുന്നതിനായി വിദേശകാര്യമന്ത്രാലയവുമായി സംസാരിച്ചതായും അദ്ദേഹം പറഞ്ഞു.
പ്രശസ്ത ഫോട്ടോജേണലിസ്റ്റും പുലിറ്റ്സര്‍ പുരസ്കാര ജേതാവുമായ ഡാനിഷ് സിദ്ദിഖി കാണ്ഡഹാറിലെ സ്പിന്‍ ബോല്‍ദാക്ക് ജില്ലയില്‍ സംഘര്‍ഷം റിപ്പോർട്ട് ചെയ്യുന്നതിനിടെയാണ് കൊല്ലപ്പെട്ടത്. അന്തർദേശീയ വാർത്താ ഏജൻസിയായ റോയിട്ടേഴ്സിനു വേണ്ടിയാണ് ഡാനിഷ് സിദ്ധിഖി അഫ്ഗാനിസ്ഥാനിൽ എത്തിയത്.
ഡാനിഷ് സിദ്ധിഖിയുടെ മരണം; പിതാവിന്‍റെ പ്രതികരണം പുറത്ത്