മുംബൈ: പ്രമുഖ വ്യവസായിയും നിക്ഷേപകനുമായ രാകേഷ് ജുൻജുൻവാല അന്തരിച്ചു. അറുപത്തിരണ്ട് വയസായിരുന്നു. ഹൃദയ സ്‌തംഭനമാണ് മരണ കാരണം. വൃക്ക സംബന്ധമായ അസുഖം ഉള്‍പ്പെടെ അലട്ടിക്കൊണ്ടിരുന്ന ജുന്‍ജുന്‍വാലയെ നെഞ്ചുവേദനയെ തുടര്‍ന്നാണ് മുംബൈയിലെ ബ്രീച്ച് കാൻഡി ആശുപത്രിയില്‍ പ്രവേശിപ്പിച്ചത്. ഇന്ന് (ഓഗസ്റ്റ് 14) 6.45 ഓടെ മരിക്കുകയായിരുന്നു.
ഓഹരി വിപണിയിലെ അതികായനായ രാകേഷ് ജുൻജുൻവാല ഇന്ത്യയുടെ വാറൻ ബഫറ്റ് എന്നാണ് അറിയപ്പെട്ടിരുന്നത്. 1985 ലാണ് ഓഹരി വിപണി മേഖലയില്‍ അദ്ദേഹം ചുവട് വച്ചത്. അന്ന് ജുന്‍ജുന്‍വാല കോളജ് വിദ്യാര്‍ഥിയായിരുന്നു.