ന്യൂഡൽഹി: ദേശീയ തലസ്ഥാനത്തെ വായുഗുണനിലവാരം വെള്ളിയാഴ്ചയും 'മോശം' വിഭാഗത്തിൽ. വായു ഗുണനിലവാര സൂചിക രാവിലെ 7.40 ന് 293 ല്‍ എത്തി. സിസ്റ്റം ഓഫ് എയർ ക്വാളിറ്റി ആന്‍ഡ് വെതർ ഫോർകാസ്റ്റിങ് ആൻഡ് റിസർച്ച് (SAFAR) പുറത്തിറക്കിയ റിപ്പോര്‍ട്ടിലാണ് ഇക്കാര്യം പറയുന്നത്.
നോയിഡയിലും ഗുരുഗ്രാമിലും വായു ഗുണനിലവാരം വളരെ മോശം എന്ന പട്ടികയിലെത്തി. നോയിഡയിലും ഗുരുഗ്രാമിലും യഥാക്രമം 306, 249 എന്നിങ്ങനെയാണ്. പൂജ്യത്തിനും 50നും ഇടയില്‍ 'നല്ലത്', 51 - 100 'തൃപ്‌തികരം', 101- 200 'മിതമായത്', 201-300 'മോശം', 301- 400 'വളരെ മോശം', 401- 500 'ഗുരുതരം' എന്നിങ്ങനെയാണ് പട്ടികപ്പെടുത്തിയിരിക്കുന്നത്.