ന്യൂഡൽഹി:ആർഎസ്എസ് മേധാവി മോഹൻ ഭഗവതിന്‍റെ 'ഏക ഡി.എൻ.എ' പ്രസ്താവനയെ ചോദ്യം ചെയ്ത് എഐഎംഐഎം മേധാവി അസദുദീൻ ഉവൈസി. ഐക്യത്തെ കുറിച്ച് സംസാരിക്കുന്ന മോഹൻ ഭഗവത് വര്‍ഗീയ മുദ്രവാക്യം മുഴക്കിയവര്‍ക്കെതിരെ എന്തു നടപടിയാണ് സ്വീകരിച്ചതെന്ന് ഉവൈസി ചോദിച്ചു.
രാജ്യത്ത് കമ്മ്യൂണിസത്തെ പോലെ ഫാഷിസം വളരുമ്പോഴും അതിന് ഒത്താശ ചെയ്യുന്ന സംഘടനയ്ക്ക് ഐക്യത്തെ കുറിച്ച് പറയാൻ എന്താണ് അവകാശമെന്നും ഉവൈസി ചോദിച്ചു. ഡല്‍ഹിയില്‍ ഇന്ത്യൻ മുസ്‌ലിങ്ങളുടെ രാഷ്ട്രീയ, സാമൂഹിക, സാമ്പത്തിക ഭാവി' എന്ന വിഷയത്തിൽ സംസാരിക്കുകയായിരുന്നു അദ്ദേഹം.