ന്യൂഡല്‍ഹി: കാര്‍ഷിക നിയമങ്ങള്‍ പിൻവലിക്കില്ലെന്നും പ്രക്ഷോഭത്തിലുള്ള കര്‍ഷകരുമായി ചര്‍ച്ചയ്ക്ക് തയ്യാറാണെന്നും ആവര്‍ത്തിച്ച് കേന്ദ്ര കൃഷിമന്ത്രി നരേന്ദ്ര സിംഗ് തോമര്‍. ഇതുവരെ 11 തവണ കര്‍ഷകരുമായി കേന്ദ്രം ചര്‍ച്ച നടത്തിയെങ്കിലും സമരം അവസാനിപ്പിക്കാൻ സാധിച്ചിട്ടില്ല.
'ഏത് അര്‍ധരാത്രിയിലും കര്‍ഷകരുമായി ചര്‍ച്ചയ്ക്ക് തയ്യാറാണ്. എന്നാല്‍ കാര്‍ഷിക നിയമങ്ങള്‍ സര്‍ക്കാര്‍ പിൻവലിക്കില്ല'. ട്വിറ്ററില്‍ പോസ്റ്റ് ചെയ്ത വീഡിയോയിലാണ് തോമര്‍ ഇക്കാര്യം വ്യക്തമാക്കിയത്. അതേസമയം, നിയമങ്ങള്‍ പിൻവലിക്കുന്നത് വരെ സമരത്തില്‍ നിന്നും പിന്നോട്ടില്ലെന്നാണ് കര്‍ഷകരുടെ വാദം.