ന്യൂഡല്‍ഹി: കര്‍ഷക സമരത്തില്‍ കേന്ദ്രത്തിനെതിരെ ഒളിയമ്പുകളുമായി വീണ്ടും ബിജെപി നേതാവ് വരുണ്‍ ഗാന്ധി. മുന്‍ പ്രധാനമന്ത്രി അടല്‍ ബിഹാരി വാജ്പേയ് കര്‍ഷകരെ അനുകൂലിച്ച് പ്രസംഗിക്കുന്നതിന്‍റെ 42 സെക്കന്‍റ് വീഡിയോ ആണ് വരുണ്‍ പങ്കുവച്ചത്.
വലിയ ഹൃദയമുള്ള നേതാവിന്‍റെ വിവേകപൂര്‍ണമായ വാക്കുകള്‍ എന്ന തലക്കെട്ടിലാണ് വീഡിയോ പുറത്ത് വിട്ടത്. 1980ല്‍ ഇന്ദിരാഗാന്ധിയുടെ കര്‍ഷക വിരുദ്ധ നയങ്ങള്‍ക്കെതിരെ വാജ്പേയ് നടത്തിയ പ്രസംഗമാണ് ഇതെന്ന് ദേശീയ വാര്‍ത്താ ഏജന്‍സിയായ പിടിഐ സ്ഥിരീകരിച്ചു.
കര്‍ഷകരെ ഭീഷണിപ്പെടുത്തുന്ന സര്‍ക്കാരിന് താന്‍ മുന്നറിയിപ്പ് നല്‍കുന്നു. ഞങ്ങളെ ഭയപ്പെടുത്താന്‍ ശ്രമിക്കേണ്ട. കര്‍ഷകര്‍ ഭയപ്പെടില്ല. കര്‍ഷക സംഘടനകളെ രാഷ്ട്രീയത്തിനായി ഉപയോഗിക്കാന്‍ തങ്ങള്‍ ഉദ്ദേശിക്കുന്നില്ല. കര്‍ഷകരുടെ ആവശ്യങ്ങളെ തങ്ങള്‍ പിന്‍തുണക്കുന്നു.
Also Read: കേന്ദ്രം ജനങ്ങളെ കൊള്ളയടിക്കുന്നു, ഇന്ധന വില വർധനയില്‍ വിമർശനവുമായി രാഹുല്‍ ഗാന്ധി