കാര്‍ ഡിവൈഡറിലേക്ക് ഇടിച്ചുകയറി ; നടൻ ഹേമന്ത് ബിർജെയ്ക്കും ഭാര്യയ്ക്കും പരിക്ക്

മുംബൈ-പൂനെ എക്‌സ്പ്രസ് ഹൈവേയില്‍ ചൊവ്വാഴ്‌ച രാത്രിയായിരുന്നു അപകടം

പൂനെ : ബോളിവുഡ് നടന്‍ ഹേമന്ത് ബിർജെയ്ക്കും ഭാര്യയ്ക്കും വാഹനാപകടത്തിൽ പരിക്ക്. മുംബൈ-പൂനെ എക്‌സ്പ്രസ് ഹൈവേയില്‍ ചൊവ്വാഴ്‌ച രാത്രിയാണ് അപകടമുണ്ടായതെന്ന് പൊലീസ് പറഞ്ഞു. പരിക്ക് സാരമുള്ളതല്ല.

രാത്രി എട്ട് മണിയോടെ ഉർസെ ടോൾ പ്ലാസയ്ക്ക് സമീപം റോഡ് ഡിവൈഡറിലേക്ക് ഇവര്‍ സഞ്ചരിച്ചിരുന്ന കാർ ഇടിച്ചുകയറുകയായിരുന്നു.

നടനും ഭാര്യയ്ക്കുമുണ്ടായത് നിസാര പരിക്കുകളാണെന്നും, കൂടെയുണ്ടായിരുന്ന മകൾ സുരക്ഷിതയാണെന്നും ഷിർഗാവ് പൊലീസ് ഔട്ട്‌പോസ്റ്റിലെ ഇൻസ്പെക്ടർ സത്യവാൻ മാനെ അറിയിച്ചു.