ന്യൂഡല്‍ഹി : 24 മണിക്കൂറില്‍ രാജ്യത്ത് 3,712 പേര്‍ക്ക് കൊവിഡ് സ്ഥിരീകരിച്ചു. നിലവില്‍ കൊവിഡ് ചികിത്സയിലുള്ളവരുടെ എണ്ണത്തില്‍ (Active cases ) 24 മണിക്കൂറിനിടെ ആയിരത്തിലധികമാണ്( 1,123) വര്‍ധനവ് ഉണ്ടായിരിക്കുന്നത് . രാജ്യത്ത് കൊവിഡ് സ്ഥിരീകരിച്ചവരുടെ എണ്ണം 4,31,64,544 ആയി.
രാജ്യത്ത് നിലവില്‍ കൊവിഡ് ചികിത്സയിലുള്ളവരുടെ എണ്ണം 19,509ആണ്. രാജ്യത്ത് 24 മണിക്കൂറിനുള്ളില്‍ അഞ്ച് കൊവിഡ് മരണങ്ങളാണ് റിപ്പോര്‍ട്ട് ചെയ്‌തത്. ഈ അഞ്ച് മരണങ്ങളും കേരളത്തില്‍ നിന്നാണ്. ഇതോടെ രാജ്യത്തെ ഇതുവരെയുള്ള കൊവിഡ് മരണങ്ങള്‍ 5,24,641 ആയി.