മുസാഫർനഗർ: ഉത്തർ പ്രദേശിലെ മുസാഫർനഗറിൽ ശനിയാഴ്‌ച 10 മുസ്‌ലിം കുടുംബങ്ങളിലെ 70 അംഗങ്ങളെ ഹിന്ദുമതത്തിലേക്ക് പരിവര്‍ത്തനം ചെയ്‌തതായി യഷ്വീർ ആശ്രമത്തിലെ ആചാര്യ മൃഗേന്ദ്ര സിങ് (Muslims reverted to Hinduism says Acharya Mrigendra Singh). ഘർ വാപ്‌സിക്ക് കീഴിൽ കഴിഞ്ഞ ഒന്നര വർഷത്തിനിടെ 1100 ഓളം മുസ്‌ലിങ്ങൾ സനാതന ധർമ്മത്തിലേക്ക് മടങ്ങിയെന്നും അദ്ദേഹം പറഞ്ഞു. രാജ്യത്തുടനീളമുള്ള മുസ്‌ലിങ്ങളോട് അവരുടെ പൂർവ്വികരുടെ മതമായ ഹിന്ദുമതത്തിലേക്ക് മടങ്ങാനായി പറഞ്ഞു.
ഇന്ത്യയിൽ ജീവിച്ചിരുന്ന എല്ലാ മുസ്‌ലിങ്ങളും യഥാർഥത്തിൽ സനാതന ധർമ്മത്തിൽ പെട്ടവരായിരുന്നെന്നും ഭയമോ ബലപ്രയോഗമോ മൂലമാണ് ഇസ്‌ലാം മതം സ്വീകരിച്ചതെന്നും (converted to Islam due to fear or force) 'ഘർ ആപ്‌സേ' എന്ന പേരിൽ പൂർവ്വികർ ചെയ്‌ത തെറ്റ് തിരുത്താൻ ഇപ്പോൾ അനുകൂലമായ സമയമാണെന്നും ഹിന്ദുമതത്തിലേക്ക് പരിവര്‍ത്തനം ചെയ്യാനായുള്ള എല്ലാ ക്രമീകരണങ്ങളും ചെയ്‌തിട്ടുള്ളതായും സിങ് പറഞ്ഞു.
സെപ്‌റ്റംബർ 23-ന് മുസാഫർനഗർ ബഘ്ര ബ്ലോക്കിലെ യോഗ സാധന യഷ്വീർ ആശ്രമത്തിൽ (Yoga Sadhana Yashveer Ashram) വച്ച് 10 മുസ്‌ലിം കുടുംബങ്ങളെ ഹിന്ദുമതത്തിലേക്ക് പരിവർത്തനം ചെയ്‌തു. സനാതന ധർമ്മത്തിലേക്ക് മടങ്ങാൻ ആഗ്രഹിക്കുന്നുവെന്ന് ഈ കുടുംബങ്ങൾ പറഞ്ഞു (wanted to return to Sanatan Dharma). തങ്ങൾ ശുദ്ധീകരണ യാഗത്തിനുള്ള ഒരുക്കങ്ങൾ നടത്തി അവർ ഹിന്ദുമതം സ്വീകരിച്ചു. അവർ നേരത്തെ മുസ്‌ലിം യോഗികളായിരുന്നു. ഇപ്പോൾ ഹിന്ദു യോഗികളായി ഹിന്ദു പേരുകളും നൽകി. അവരുടെ പൂർവ്വികരുടെ മതത്തിലേക്ക് മടങ്ങിയതിൽ അവർ സന്തോഷം പ്രകടിപ്പിച്ചതായും അദ്ദേഹം കൂട്ടിച്ചേർത്തു.