ബെംഗളൂരൂ: കാമാക്ഷിപാളയത്ത് മോഷണ കേസ് പ്രതി 26 വര്‍ഷങ്ങള്‍ക്ക് ശേഷം അറസ്റ്റില്‍. ഹാസന്‍ ജില്ലയിലെ ആലൂര്‍ സ്വദേശിയായ ദേവ് ഗൗഡയാണ് അറസ്റ്റിലായത്. 26 വര്‍ഷം മുമ്പ് മോഷണ കേസില്‍ പ്രതിയായ ഇയാള്‍ ഒളിവില്‍ കഴിയുകയായിരുന്നു (Theft Case In Bengaluru).
ബെംഗളൂരുവിലെ കോടതിക്ക് സമീപമുള്ള റസ്റ്റോറന്‍റില്‍ നിന്നാണ് ഇയാളെ പിടികൂടിയത്. 1997ല്‍ കാമാക്ഷിപാളയ പൊലീസ് സ്റ്റേഷനില്‍ രജിസ്റ്റര്‍ ചെയ്‌ത കേസിലെ പ്രതിയാണ് ഇയാള്‍. കേസിനെ തുടര്‍ന്ന് രക്ഷപ്പെട്ട ഇയാള്‍ക്കായി കോടതി സമന്‍സ് അയച്ചിരുന്നുവെങ്കിലും ഹാജരായിരുന്നില്ല (Theft Case Arrest In Bengaluru).