മാലേര്‍കോട്ട്‌ല (പഞ്ചാബ്): പഞ്ചാബില്‍ അജ്ഞാതരുടെ വെടിയേറ്റ് ആംആദ്‌മി പാർട്ടി കൗണ്‍സിലര്‍ കൊല്ലപ്പെട്ടു. മാലേര്‍കോട്ട്‌ല 18-ാം വാര്‍ഡിലെ എഎപി കൗണ്‍സിലറായ മുഹമ്മദ് അക്‌ബര്‍ ഭോലിയാണ് കൊല്ലപ്പെട്ടത്. ഇന്ന്(31.07.2022) രാവിലെയാണ് സംഭവം.
ജിംനേഷ്യത്തില്‍ വ്യായാമം ചെയ്യുന്നതിനിടെ രണ്ടംഗ സംഘം മുഹമ്മദ് അക്‌ബര്‍ ഭോലിക്ക് നേരെ വെടിയുതിര്‍ക്കുകയായിരുന്നു. ഉടന്‍ സമീപത്തുള്ള സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. സംഭവത്തില്‍ പൊലീസ് അന്വേഷണം ആരംഭിച്ചു.