കേരളം

kerala

ETV Bharat / bharat

കഴുതപ്പുലിയുടെ ആക്രമണത്തിൽ 2 വയസുകാരന് ദാരുണാന്ത്യം ; കുഞ്ഞിനെ കിട്ടാൻ അമ്മ കാട്ടിൽ ഓടിയത് 3 കിലോമീറ്റർ - കുട്ടി

കുഞ്ഞിനുവേണ്ടി കഴുതപ്പുലിയുടെ പുറകെ അമ്മ ഓടിയത് മൂന്ന് കിലോമീറ്ററോളം. കുട്ടിയെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല

A hyena snatched  wild animal attack  child death  Chhattisgarh village  A hyena snatched 2 from inside his house  ഛത്തീസ്‌ഗഡ്  ബസ്‌തർ ജില്ല  കുട്ടി  അമ്മ
hyena snatched a two-year-old

By

Published : Mar 5, 2023, 1:23 PM IST

ഛത്തീസ്‌ഗഡ് : ബസ്‌തർ ജില്ലയിലെ ചിത്രകോട്ട് വനമേഖലയിൽ രണ്ട് വയസുള്ള ആൺ കുഞ്ഞ് കഴുതപ്പുലിയുടെ ആക്രമണത്തിൽ കൊല്ലപ്പെട്ടു. മൂന്ന് കിലോമീറ്ററോളം കാട്ടുമൃഗത്തിന് പിന്നാലെ ഓടി കുഞ്ഞിനെ രക്ഷിക്കാൻ കുട്ടിയുടെ അമ്മ പരമാവധി ശ്രമിച്ചെങ്കിലും കൊല്ലപ്പെടുകയായിരുന്നു. ശനിയാഴ്‌ച നൈന്നാർ വില്ലേജിലെ വീട്ടുമുറ്റത്ത് കളിച്ചുകൊണ്ടിരിക്കുമ്പോഴാണ് കുട്ടി ആക്രമിക്കപ്പെട്ടത്. കഴുതപ്പുലി തന്‍റെ കുഞ്ഞിനെ കടിച്ചുകൊണ്ട് കാട്ടിലേക്ക് പോകുന്നത് കണ്ട, കുട്ടിയുടെ അമ്മ മൂന്ന് കിലോമീറ്ററോളം പിന്നാലെ ഓടി കുട്ടിയെ ജീവനോടെ വീണ്ടെടുത്തു.

അമ്മയുടെ നിലവിളി കേട്ട് ഓടിക്കൂടിയ നാട്ടുകാർ ചേർന്ന് രണ്ടുവയസുകാരനെ ദിമ്രപാൽ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഗുരുതരമായ പരിക്കുകളോടെ രാവിലെ 8.30 ന് കുട്ടിയെ ആശുപത്രിയിൽ കൊണ്ടുവരികയും, വിദഗ്‌ധ ഡോക്‌ടർമാരുടെ സംഘം കുട്ടിയെ ശസ്‌ത്രക്രിയയ്ക്കു‌ൾപ്പടെ വിധേയനാക്കുകയും ചെയ്‌തെങ്കിലും കുട്ടി മരിക്കുകയായിരുന്നു. പോസ്‌റ്റുമോർട്ടത്തിന് ശേഷം കുട്ടിയുടെ മൃതദേഹം കുടുംബത്തിന് കൈമാറിയെന്ന് ദിമ്രപാൽ ആശുപത്രി സൂപ്രണ്ട് അനൂത് സാഹു പറഞ്ഞു.

തന്‍റെ കുഞ്ഞിന്‍റെ ജീവനുവേണ്ടി, താന്‍ അപകടത്തിലാകുമെന്ന് അറിഞ്ഞിട്ടും മൃഗത്തിന്‍റെ പിന്നാലെ വനത്തിലേക്കോടിയ അമ്മയുടെ സ്‌നേഹത്തെയും ധീരതയെയും വാഴ്‌ത്തി നിരവധി പേര്‍ സാമൂഹ്യ മാധ്യമങ്ങളില്‍ കുറിപ്പുകള്‍ പങ്കുവയ്ക്കുന്നുണ്ട്. അമ്മയ്ക്കും‌ കുടുംബത്തിനുമുണ്ടായ നഷ്‌ടത്തിൽ ഇവർ ദുഖവും അനുശോചനവും രേഖപ്പെടുത്തുകയും ചെയ്‌തു.

സർക്കാർ കുട്ടിയുടെ കുടുംബത്തിന് ആറ് ലക്ഷം രൂപ നഷ്‌ടപരിഹാരം നൽകുമെന്നും 25,000 രൂപ മുന്‍കൂറായി അനുവദിച്ചെന്നും ചിത്രകോട്ട് ഫോറസ്റ്റ് റേഞ്ച് ഓഫിസർ പ്രകാശ് താക്കൂർ പറഞ്ഞു. ഇരയുടെ അമ്മയുടെ ധീരതയെ ഗ്രാമവാസികൾ അഭിനന്ദിച്ചു. പക്ഷേ, നിർഭാഗ്യവശാൽ, യഥാസമയം ചികിത്സ നൽകിയിട്ടും ഗുരുതരമായി പരിക്കേറ്റ കുട്ടിയെ രക്ഷിക്കാൻ ഡോക്‌ടർമാർക്ക് കഴിഞ്ഞില്ല.

കുട്ടികൾക്ക് നേരെയുള്ള മൃഗങ്ങളുടെ ആക്രമണം ദിനംപ്രതി വർധിക്കുകയാണ്. ഫെബ്രുവരി അവസാനമാണ് ഹൈദരാബാദ് ചൈതന്യപുരി പ്രദേശത്ത് അഞ്ച് വയസുള്ള ആൺകുട്ടി തെരുവ് നായ്ക്കളുടെ ആക്രമണത്തിന് ഇരയായത്. മാരുതി നഗർ കോളനിയിൽ, താമസ സ്ഥലത്തിനടുത്തുവച്ചാണ് ഋഷി എന്ന കുട്ടിയെ നായ്ക്കൂട്ടം ആക്രമിച്ചത്. കുട്ടിയുടെ നിലവിളി കേട്ട് രക്ഷിതാക്കളും സമീപവാസികളും ഓടിയെത്തി നായ്ക്കളെ തുരത്തുകയായിരുന്നു.

ഉത്തർപ്രദേശിലെ ഗോരഖ്‌പൂരിലെ ട്രാൻസ്‌പോർട്ട് നഗർ പ്രദേശത്ത് വെള്ളിയാഴ്‌ച എട്ട് വയസ്സുള്ള കുട്ടിയെ പിറ്റ് ബുൾ ഇനത്തിൽപ്പെട്ട നായ കടിച്ചതിനെ തുടർന്ന് ഉടമയ്‌ക്കെതിരെ പോലീസ് കേസെടുക്കുകയും ഇയാളുടെ അറസ്റ്റ് രേഖപ്പെടുത്തുകയും ചെയ്‌തിരുന്നു. അമ്രോഹ ജില്ലയിൽ നിയമ വിദ്യാർഥിയെ പിറ്റ് ബുൾ നായ കടിച്ച് മൂന്ന് ദിവസത്തിന് ശേഷമാണ് ഈ സംഭവം നടക്കുന്നത്.

രാം അവതാർ മിശ്രയുടെ മകൻ ഉത്കർഷ് വീടിന് പുറത്ത് കളിക്കുന്ന സമയത്ത് അയൽവാസിയായ ഗൗരവ് യാദവിന്‍റെ നായ കുട്ടിയെ ആക്രമിക്കുകയും കാലിന്‍റെ മുകൾ ഭാഗത്ത് കടിക്കുകയും ചെയ്‌തു. തങ്ങളുടെ മകൻ ആക്രമണത്തിനിരയായത് കണ്ട് ഉത്കർഷിന്‍റെ മാതാപിതാക്കൾ സംഭവസ്ഥലത്തെത്തി ബഹളം വച്ചതോടെ നായ ഓടിപ്പോവുകയായിരുന്നു. കുട്ടിയെ പിന്നീട് ചികിത്സയ്ക്കായി ആശുപത്രിയിലേക്ക് മാറ്റി.

രക്ഷിതാക്കൾ പിന്നീട് കന്‍റോൺമെന്‍റ് പൊലീസ് സ്‌റ്റേഷനിലെത്തി ഉടമ ഗൗരവ് യാദവിനെതിരെ പരാതി നൽകി. ഇതിന്‍റെ അടിസ്ഥാനത്തിൽ പോലീസ് യാദവിനെതിരെ കേസെടുക്കുകയും ചെയ്‌തു.

ABOUT THE AUTHOR

...view details