പട്‌ന/ ബിഹാർ : പട്‌നയിൽ മൂന്ന് വയസുകാരിയെ വീട്ടിൽ വാടകയ്‌ക്ക് താമസിക്കുന്ന ഏഴ്‌ വയസുകാരൻ തട്ടിക്കൊണ്ടുപോയി വിൽപ്പന നടത്തിയതായി പരാതി. പിർബഹോർ പൊലീസ് സ്റ്റേഷൻ പരിധിയിലെ ഗാന്ധി മൈതാന്‍ പ്രദേശത്ത് താമസിക്കുന്ന ആതിഫ് ആസാദിന്‍റെ ഇളയമകൾ സന്യയെയാണ് കാണാതായത്.
തന്‍റെ വീട്ടിൽ വാടകയ്‌ക്ക് താമസിക്കുന്ന കുടുംബത്തിലെ ഷിബു എന്ന കുട്ടി മകളെ 500 രൂപയ്ക്ക് വിൽപ്പന നടത്തി എന്നാണ് പിതാവിന്‍റെ ആരോപണം. മൂന്ന് ദിവസം മുൻപാണ് പെണ്‍കുട്ടിയെ കാണാതായത്. വീടിന് പുറത്ത് സഹോദരനോടൊപ്പം കളിച്ചുകൊണ്ടിരിക്കെയാണ് കുട്ടിയെ കാണാതായത്. തുടർന്ന് സമീപത്തെ സിസിടിവി ദൃശ്യങ്ങൾ പരിശോധിച്ചപ്പോൾ ഷിബുവിനൊപ്പമാണ് പെണ്‍കുട്ടി പോയതെന്ന് കണ്ടെത്തി.