ലഖ്‌നൗ : ഉത്തർപ്രദേശിലെ സാംബൽ ജില്ലയിൽ രണ്ട് ബസുകൾ കൂട്ടിയിടിച്ച് ഏഴ് പേർ മരിക്കുകയും നിരവധി പേർക്ക് പരിക്കേൽക്കുകയും ചെയ്തു. ആഗ്ര-മൊറാദാബാദ് ദേശീയപാതയിലെ ചന്ദൗസിക്ക് സമീപം തിങ്കളാഴ്ച പുലർച്ചെയാണ് സംഭവം.
വിവാഹച്ചടങ്ങിൽ പങ്കെടുത്ത് മടങ്ങിവരുന്നതിനിടെയാണ് ബസ് അപകടത്തിൽപ്പെട്ടത്. പഞ്ചറായ ബസ് വഴിയരികില്‍ നിർത്തിയിട്ടിരിക്കുകയായിരുന്നു. പിന്നാലെ വന്ന മറ്റൊരു ബസ് ഈ ബസിലേക്ക് ഇടിച്ച് കയറുകയായിരുന്നു.