ബെംഗളൂരു :കൊവിഡ് രോഗികൾക്കായി 6,034 കിടക്കകൾ ബെംഗളൂരുവിലെ സ്വകാര്യ മെഡിക്കൽ കോളജുകള്‍ നീക്കിവച്ചതായി കര്‍ണാടക ആരോഗ്യ മന്ത്രി കെ. സുധാകര്‍. 1,135 കിടക്കകൾ കൂടി ഉടൻ ലഭ്യമാക്കുമെന്നും അദ്ദേഹം പറഞ്ഞു. വ്യാഴാഴ്ച ബെംഗളൂരുവിലെ സ്വകാര്യ മെഡിക്കൽ കോളജ് മാനേജ്‌മെന്‍റുകളുമായി നടത്തിയ ചർച്ചയെത്തുടര്‍ന്നാണ് അദ്ദേഹം ഇക്കാര്യം അറിയിച്ചത്.
വാക്സിൻ വിതരണം സംബന്ധിച്ച് കേന്ദ്ര സർക്കാരുമായി ചർച്ച നടത്തിയിട്ടുണ്ട്. നിലവിൽ അഞ്ച് ലക്ഷം ഡോസ് വാക്സിൻ സ്റ്റോക്ക് ഉണ്ടെന്നും സുധാകര്‍ അറിയിച്ചു. ഒരു കോടി വാക്സിൻ ഇതുവരെ നൽകി. മെയ് 15നകം 2 കോടി ഡോസ് വാക്സിൻ നൽകാൻ സംസ്ഥാന സർക്കാർ ആവശ്യപ്പെട്ടിടുണ്ടെന്നും അദ്ദേഹം പറഞ്ഞു.