ലഖ്‌നൗ : മാനസികാസ്വാസ്ഥ്യമുള്ള 18 വയസുകാരിയെ പീഡിപ്പിച്ച കേസിൽ പ്രതിയായ 47കാരന് 20 വർഷം തടവും 2.20 ലക്ഷം രൂപ പിഴയും വിധിച്ച് ലഖ്‌നൗവിലെ പോക്സോ കോടതി. പിഴ അടക്കാത്ത പക്ഷം അഞ്ച് വർഷം കൂടി തടവ് അനുഭവിക്കണം. പോക്സോ കോടതി അഡിഷണൽ സ്പെഷ്യൽ ജഡ്ജ് അമർ സിങ് ആണ് വിധി പ്രസ്‌താവിച്ചത്.
2018 ജൂലൈ 9നായിരുന്നു കേസിനാസ്‌പദമായ സംഭവം. പ്രതിയായ രാഘവേന്ദ്ര തിവാരി പെൺകുട്ടിയുടെ വീട്ടിൽ ഇടയ്ക്കിടെ ഡ്രൈവറായി വരാറുണ്ടായിരുന്നു. പീഡനത്തിനിരയായ കുട്ടിയുടെ അമ്മയും രണ്ട് ബന്ധുക്കളും മഥുരയിൽ ഗോവർധന്‍ പ്രദക്ഷിണത്തിന് പോയപ്പോഴായിരുന്നു സംഭവം.