ശ്രീനഗർ : കശ്‌മീരില്‍ സുരക്ഷാസേനയുമായുള്ള ഏറ്റുമുട്ടലിൽ മൂന്ന് ഭീകരർ കൊല്ലപ്പെട്ടതായി പൊലീസ്. തെക്കൻ കശ്‌മീരിലെ പുൽവാമ ജില്ലയിലെ ദ്രബ്‌ഗാം മേഖലയിലാണ് ഏറ്റുമുട്ടലുണ്ടായത്. ആയുധങ്ങളും വെടിക്കോപ്പുകളും ഉള്‍പ്പടെയുള്ളവ കണ്ടെടുത്തതായും പ്രദേശത്ത് തിരച്ചിൽ തുടരുകയാണെന്നും പൊലീസ് വ്യക്തമാക്കി.
അതേസമയം കഴിഞ്ഞ കുറച്ച് മാസങ്ങളായി കശ്‌മീരില്‍ നിരവധി ഭീകരവിരുദ്ധ ഓപ്പറേഷനുകൾ നടക്കുന്നുണ്ട്. ഇതുവഴി നിരവധി തീവ്രവാദികളെയും അവരുടെ കമാൻഡർമാരെയും ഇല്ലാതാക്കുകയും ചെയ്‌തു. പ്രത്യേക രഹസ്യാന്വേഷണ വിവരങ്ങളുടെ അടിസ്ഥാനത്തിൽ പൊലീസും സൈന്യവും സംയുക്തമായാണ് മിക്ക ഓപ്പറേഷനുകളും നടത്തിയത്.
തെക്കൻ കശ്‌മീരിലെ പുൽവാമയില്‍ ഏറ്റുമുട്ടല്‍; മൂന്ന് ഭീകരരെ വധിച്ചു