ഡോക്ടറുടെ അനാസ്ഥ: മാണ്ഡ്യയിൽ 15 രോഗികൾ മരിച്ചു

കൊവിഡ് ലക്ഷണങ്ങളുമായി വന്ന രോഗികൾക്ക് ആയിരം മുതൽ രണ്ടായിരം വരെ വിലയുള്ള മരുന്നുകൾ നൽകിയതിനെത്തുടർന്നാണ് രോഗികൾ മരിച്ചത്

ബെംഗളുരു : മാണ്ഡ്യയിൽ ഡോക്ടറുടെ അശ്രദ്ധ മൂലം പതിനഞ്ച് രോഗികൾ മരിച്ചു. കൊവിഡ് ലക്ഷണങ്ങളുമായി വന്ന രോഗികളാണ് മരിച്ചത്. മാണ്ഡവപുരത്തിൽ ക്ലിനിക് നടത്തിയിരുന്ന ഡോ.അസ്രന്ന രോഗികൾക്ക് ആയിരം മുതൽ രണ്ടായിരം വരെ വിലയുള്ള മരുന്നുകൾ നൽകിയിരുന്നെന്നും മരുന്നു കഴിച്ച 15 രോഗികളാണ് മരിച്ചതെന്നും പാണ്ഡവപുര ഡെപ്യൂട്ടി ഡിവിഷണൽ ഓഫിസർ ശിവാനന്ദ മൂർത്തി പറഞ്ഞു. സംഭവത്തെത്തുടർന്ന് ക്ലിനിക് അധികൃതർ അടച്ചു.

ഡോക്ടർമാർ കരിഞ്ചന്തയിൽ മരുന്ന് വിൽക്കുന്നുവെന്ന് ധാരാളം ആരോപണങ്ങൾ വരുന്നുണ്ടെന്നും അവർക്കെതിരെ നടപടി സ്വീകരിച്ചുവെന്നും ശിവാനന്ദ മൂർത്തി പറഞ്ഞു.