ബെംഗളൂരു: കര്‍ണാടകയില്‍ 1,488 പേര്‍ക്ക് കൂടി കൊവിഡ് സ്ഥിരീകരിച്ചു. എട്ട്‌ മരണങ്ങളും റിപ്പോര്‍ട്ട് ചെയ്‌തു. സംസ്ഥാനത്ത് ഇതുവരെ കൊവിഡ് സ്ഥിരീകരിച്ചവരുടെ എണ്ണം 9,65,102 ആയി ഉയർന്നു. 12,415 പേര്‍ ഇതുവരെ സംസ്ഥാനത്ത് കൊവിഡ് ബാധിച്ച് മരിച്ചു. സംസ്ഥാനാത്ത് ഇതുവരെ 2.01 കോടി സാമ്പിളുകള്‍ പരിശോധിച്ചു. ഇതില്‍ വെള്ളിയാഴ്‌ച മാത്രം 93,370 സാമ്പിളുകള്‍ പരിശോധിച്ചതായി ആരോഗ്യ വിഭാഗം അറിയിച്ചു. കഴിഞ്ഞ 24 മണിക്കൂറിനിടെ 341 പേര്‍ക്ക് രോഗം ഭേദമായി. നിലവില്‍ 11,359 പേരാണ് സംസ്ഥാനത്ത് ചികിത്സയിലുള്ളത്. ഇതില്‍ 11,228 പേര്‍ ആശുപത്രികളില്‍ ഐസൊലേഷനില്‍ കഴിയുകയാണ്. 131 പേര്‍ തീവ്രപരിചരണ വിഭാഗത്തില്‍ ചികിത്സയിലാണ്.