ചെന്നൈ: തമിഴ്‌നാട്ടിലെ തഞ്ചാവൂരില്‍ നിന്ന് ആയിരം വര്‍ഷം പഴക്കമുള്ള ശിവലിംഗം കണ്ടെടുത്തു. അരുളാനന്ദയിലുള്ള സാമിയപ്പന്‍ എന്നയാളുടെ വീട്ടില്‍ നിന്നാണ് ഏകദേശം 500 കോടി രൂപ വിലമതിയ്ക്കുന്ന മരതകത്തില്‍ തീര്‍ത്ത ശിവലിംഗം പിടിച്ചെടുത്തത്.
വിഗ്രഹം തഞ്ചാവൂരിലുണ്ടെന്ന് വിഗ്രഹക്കടത്ത് തടയല്‍ സംഘത്തിന് സൂചന ലഭിച്ചിരുന്നു. തുടര്‍ന്ന് ഡിസംബര്‍ 30ന് നടത്തിയ പരിശോധനയിലാണ് ശിവലിംഗം കണ്ടെടുത്തത്. പുരാതന ശിവ ലിംഗമാണ് പിടിച്ചെടുത്തതെന്നും അന്വേഷണം ആരംഭിച്ചിട്ടുണ്ടെന്നും എഡിജിപി ജയന്ത് മുരളി അറിയിച്ചു.
തഞ്ചാവൂരില്‍ 1,000 വര്‍ഷം പഴക്കമുള്ള മരതക വിഗ്രഹം കണ്ടെത്തി