ചണ്ഡീഗഢ്: കൊവിഡ് മൂലം കുടുംബം പട്ടിണിയിലായതോടെ സോക്സ് വിൽപ്പനയ്‌ക്കിറങ്ങിയ ലുധിയാനയിലെ വംശ് എന്ന പത്തുവയസുകാരന്‍റെ വീഡിയോ സമൂഹ മാധ്യമങ്ങളിൽ വൈറൽ ആയിരുന്നു. സോക്സ് വാങ്ങിയ വ്യക്തി കൂടുതല്‍ പണം നൽകിയപ്പോൾ വംശ് അത് സ്വീകരിക്കാതെ തിരിച്ചുനല്‍കുകയായിരുന്നു. മൂന്ന് സഹോദരിമാരും ഒരു സഹോദരനും മാതാപിതാക്കളും അടങ്ങിയ ഏഴംഗ കുടുംബമാണ് വംശിന്‍റേത്. റിക്ഷ തൊഴിലാളിയായിരുന്നു അച്ഛൻ. എന്നാല്‍ ആരോഗ്യം ക്ഷയിച്ചതോടെ പിന്നീട് വഴിയോരത്ത് സോക്‌സുകൾ വിൽക്കാൻ തുടങ്ങി. കൊവിഡ് ലോക്ക്ഡൗണായതോടെ ജീവിതം കൂടുതല്‍ ദുരിതപൂര്‍ണമായി. വംശിന്‍റെ ജ്യേഷ്‌ഠന്‍റെ ജോലിപോയി. അന്ന് മുതലാണ് പഠനം ഉപേക്ഷിച്ച് ഈ പത്തുവയസ്സുകാരന്‍ സോക്‌സുകൾ വിൽക്കാൻ ഇറങ്ങിയത്.
പട്ടിണിമാറ്റാന്‍ സോക്സ് വിൽപ്പനക്കിറങ്ങി പത്ത് വയസുകാരൻ ; സഹായവുമായി പഞ്ചാബ് മുഖ്യമന്ത്രി