100 ಅಡಿ ಎತ್ತರದ ವಿದ್ಯತ್​ ಟವರ್​ ಏರಿ ಕುಳಿತ ಯುವಕ : ಕೆಳಗಿಳಿಸಲು ಹರಸಾಹಸ

ಅಮೃತಸರ ಜಿಲ್ಲಾ ಗೇಟ್ ಬಳಿಯಿರುವ 100 ಅಡಿ ಎತ್ತರದ ವಿದ್ಯುತ್ ಟವರ್ ಒಂದರ ಮೇಲೆ ಯುವಕನೊಬ್ಬ ಏರಿ ಕುಳಿತಿದ್ದು, ಸುತ್ತಲಿನ ಜನರನ್ನು ಮಾತ್ರವಲ್ಲದೆ ಪೊಲೀಸರನ್ನೂ ದಂಗಾಗಿಸಿದೆ. ಮೇಲೆ ಹತ್ತಿರುವ ವ್ಯಕ್ತಿ ಮಾನಸಿಕ ಅಸ್ವಸ್ಥನಲ್ಲದೆ, ಮಾದಕ ವ್ಯಸನಿಯಾಗಿದ್ದಾನೆ. ಬೆಳಗ್ಗೆ 8 ಗಂಟೆ ಹೊತ್ತಿಗೆ ಏಕಾಏಕಿ ಟವರ್​ ಹತ್ತಿ ಕುಳಿತಿದ್ದಾನೆ ಎಂದು ಸ್ಥಳೀಯರು ಸ್ಥಳಕ್ಕಾಗಮಿಸಿದ ಪೊಲೀಸ್ ಅಧಿಕಾರಿ ಕುಲದೀಪ್ ಸಿಂಗ್ ಅವರಲ್ಲಿ ದೂರಿದ್ದಾರೆ. ಯಾವುದೇ ಸೌಲಭ್ಯಗಳಿಲ್ಲದ ಕಾರಣ ಪೊಲೀಸರಿಂದಲೂ ಆತನನ್ನೂ ಕೆಳಗಿಳಿಸಲಾಗಿಲ್ಲ. ಸದ್ಯ ಆ್ಯಂಬುಲೆನ್ಸ್​ ಹಾಗೂ ಅಗ್ನಿಶಾಮಕದಳ ಸ್ಥಳಕ್ಕಾಗಮಿಸಿದ್ದು, ಶೀಘ್ರವೇ ಆತನನ್ನು ಕೆಳಗಿಳಿಸುವ ಕಾರ್ಯ ಪ್ರಗತಿಯಲ್ಲಿದೆ.