ಶಿವಮೊಗ್ಗದಲ್ಲಿ ಪೆಟ್ರೋಲ್ ಕದಿಯುವ ಗ್ಯಾಂಗ್ ಮತ್ತೆ ಆ್ಯಕ್ಟಿವ್: ಕಳ್ಳರ ಕರಾಮತ್ತು ಸಿಸಿಟಿವಿಯಲ್ಲಿ ಸೆರೆ - Petrol stealing gang is active again in Shimoga

ಶಿವಮೊಗ್ಗ: ಜಿಲ್ಲೆಯಲ್ಲಿ ರಾತ್ರಿ ವೇಳೆ ಬೈಕ್​ನಲ್ಲಿನ ಪೆಟ್ರೋಲ್ ಕದಿಯುವ ಗ್ಯಾಂಗ್ ಮತ್ತೆ ಆ್ಯಕ್ಟಿವ್ ಆಗಿದೆ. ಇದಕ್ಕೆ ಸಾಕ್ಷಿ ಎಂಬಂತೆ ನಿನ್ನೆ ರಾತ್ರಿ ವಿನೋಬನಗರದಲ್ಲಿ ಬೈಕ್​ಗಳಲ್ಲಿದ್ದ ಪೆಟ್ರೋಲ್​ ಕದಿಯಲಾಗಿದೆ. ವಿನೋಬನಗರದ ಡಿವಿಎಸ್ ಶಾಲೆ ಹಿಂಭಾಗದ ರಸ್ತೆಯಲ್ಲಿ ನಿನ್ನೆ ರಾತ್ರಿ ಕಳ್ಳತನವಾಗಿದೆ. ನಿವೃತ್ತ ಯೋಧರಾದ ಹನುಮಂತಪ್ಪ ಅವರು ತಮ್ಮ ಮನೆ ಮುಂದೆ ಬೈಕ್ ನಿಲ್ಲಿಸಿ ಮಲಗಿದ್ದಾರೆ. ಬೆಳಗ್ಗೆ ಎದ್ದು ನೋಡಿದಾಗ ಪೆಟ್ರೋಲ್ ಪೈಪ್ ಕಟ್ ಆಗಿದ್ದು, ಬೈಕ್​ನಲ್ಲಿನ ಎಲ್ಲಾ ಪೆಟ್ರೋಲ್ ಖಾಲಿಯಾಗಿದೆ. ಹನುಮಂತಪ್ಪ ಅವರ ಸ್ಪೈಂಡರ್ ಪ್ರೊ, ಇವರ ಮಗನ ಪಲ್ಸರ್ ಹಾಗೂ ಮನೆ ಓನರ್​​ ರಾಯಲ್ ಎನ್ ಫಿಲ್ಡ್ ಬೈಕ್ ಸೇರಿ ಒಟ್ಟು ಮೂರು ಬೈಕ್​ನ ಪೆಟ್ರೋಲ್ ಕದಿಯಲಾಗಿದೆ. ಪೆಟ್ರೋಲ್ ಕದಿಯಲು ಬಂದವರಿಗೆ ಪೈಪ್ ತೆಗೆಯಲು ಆಗದೇ ಹೋದಾಗ ಪೆಟ್ರೋಲ್ ಪೈಪ್ ಕಟ್ ಮಾಡಿದ್ದಾರೆ. ಈ ಘಟನೆ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ.