ಪ್ರವಾಸಿಗರನ್ನು ಸೂಜಿಗಲ್ಲಂತೆ ಸೆಳೆಯುವ ನಾಗರಮಡಿ ಫಾಲ್ಸ್

ಹಸಿರನ್ನೇ ಹೊದ್ದು ಮಲಗಿರುವ ಸ್ವಚ್ಛ ಪರಿಸರದ ನಡುವೆ ಹಾಲ್ನೊರೆಯ ಜಲಪಾತ. ಶ್ವೇತವರ್ಣದ ನೀರಲ್ಲಿ ಎಂಜಾಯ್​ ಮಾಡುತ್ತಿರುವ ಪ್ರವಾಸಿಗರ ದಂಡು. ನೀರನ್ನು ಎರಚಿಕೊಂಡು ಖುಷಿ ಪಡುತ್ತಿರುವ ಪುಟ್ಟ-ಪುಟ್ಟ ಮಕ್ಕಳು. ಹೌದು ಈ ಎಲ್ಲಾ ದೃಶ್ಯಗಳು ಕಂಡುಬಂದಿದ್ದು, ಕಾರವಾರ ತಾಲೂಕಿನ ಚೆಂಡಿಯಾ ಗ್ರಾಮದ ನಾಗರಮಡಿ ಫಾಲ್ಸ್​ನಲ್ಲಿ. ಸುಮಾರು 35 ಅಡಿ ಎತ್ತರದ ಬೃಹತ್ ಬಂಡೆಗಲ್ಲಿನ ಕೆಳಭಾಗದಲ್ಲಿ ಧುಮ್ಮಿಕ್ಕುವ ನೀರಿಗೆ ಜಲಪಾತ ಸೃಷ್ಟಿಯಾಗಿದ್ದು, ಜನರನ್ನು ಸೂಜಿಗಲ್ಲಂತೆ ತನ್ನತ್ತ ಸೆಳೆಯುತ್ತಿದೆ.