₹5 ಕೋಟಿ ಮೌಲ್ಯದ ಮದ್ಯವನ್ನು ರೋಡ್‌ ರೋಲರ್ ಹರಿಸಿ ನಾಶಪಡಿಸಿದ ಪೊಲೀಸರು: ವಿಡಿಯೋ - ಈಟಿವಿ ಭಾರತ ಕರ್ನಾಟಕ

ವಿಜಯವಾಡ (ಆಂಧ್ರ ಪ್ರದೇಶ): ಅಕ್ರಮವಾಗಿ ಸಂಗ್ರಹಿಸಿಡಲಾಗಿದ್ದ 5.47 ಕೋಟಿ ರೂಪಾಯಿ ಮೌಲ್ಯದ ಮದ್ಯದ ಬಾಟಲಿಗಳನ್ನು ಇಲ್ಲಿನ ವಿಜಯವಾಡ ಪೊಲೀಸರು ರೋಡ್ ರೋಲರ್​​​​ ಹರಿಸಿ ನಾಶಪಡಿಸಿದರು. ತೆಲಂಗಾಣದಿಂದ ಅಕ್ರಮವಾಗಿ ಸಾಗಿಸುತ್ತಿದ್ದಾಗ 2.43 ಲಕ್ಷ ಮದ್ಯದ ಬಾಟಲಿಗಳನ್ನು ವಶಕ್ಕೆ ಪಡೆದುಕೊಳ್ಳಲಾಗಿತ್ತು ಎಂದು ವಿಜಯವಾಡ ಸಿಪಿ ಕಾಂತಿ ರಾಣಾ ಟಾಟಾ ತಿಳಿಸಿದ್ದಾರೆ. ಈ ಹಿಂದೆಯೂ ಕೂಡ 2 ಕೋಟಿ ರೂ. ಮೌಲ್ಯದ ಮದ್ಯವನ್ನು ಇದೇ ರೀತಿ ಪೊಲೀಸರು ನಾಶಪಡಿಸಿ ಅಕ್ರಮ ಮದ್ಯ ಸಾಗಾಟದ ವಿರುದ್ಧ ಸಮರ ಸಾರಿದ್ದರು.