ಹೈದರಾಬಾದ್​ನಲ್ಲಿ ಮಳೆಯಾರ್ಭಟ.. ರಸ್ತೆಗಳು ಜಲಾವೃತ, ಟ್ರಾಫಿಕ್ ಜಾಮ್​ - Etv Bharat

ನಗರದಲ್ಲಿ ಕೆಲ ದಿನ ಬಿಡುವು ನೀಡಿದ್ದ ಮಳೆ ಇಂದು ನಿರಂತರವಾಗಿ ಸುರಿದ ಕಾರಣ ತೆಲಂಗಾಣ ಜನರು ಹೈರಾಣಾಗಿದ್ದಾರೆ. ಬೆಳಗ್ಗೆಯಿಂದಲೂ ಧಾರಾಕಾರವಾಗಿ ಮಳೆ ಸುರಿದಿದೆ. ಹೀಗಾಗಿ ರಸ್ತೆಗಳು ಜಲಾವೃತಗೊಂಡಿದ್ದು, ಕೆಲವೊಂದು ರಸ್ತೆಗಳಲ್ಲಿ ಟ್ರಾಫಿಕ್ ಸಮಸ್ಯೆ ಉಂಟಾಯಿತು. ಮುಖ್ಯವಾಗಿ ಕೋಟೆ,ಸುಲ್ತಾನ್​ಬಜಾರ್​,ಬೇಗಂ ಬಜಾರ್, ಲಕಡಿಕಪೂಲ್​ ಸೇರಿದಂತೆ ಅನೇಕ ಕಡೆ ಜನರು ತೊಂದರೆ ಅನುಭವಿಸಿದ್ದಾರೆ. ಭರ್ಜರಿ ಮಳೆಗೆ ರಸ್ತೆಗಳಲ್ಲೆಲ್ಲ ನೀರು ತುಂಬಿ, ಮನೆಗಳಿಗೆ ನುಗ್ಗಿದೆ.