ವಿಡಿಯೋ: ವಿವಾದಿತ ಗಡ್ಡ, ಮೀಸೆ ತಮಾಷೆಗೆ ಕ್ಷಮೆ ಕೋರಿದ ಹಾಸ್ಯ ನಟಿ ಭಾರತಿ ಸಿಂಗ್​ - bharati singh beard and mustache comedy

ನವದೆಹಲಿ: ಹಾಸ್ಯ ನಟಿ, ನಿರೂಪಕಿ ಭಾರತಿ ಸಿಂಗ್ ಕಾರ್ಯಕ್ರಮವೊಂದರಲ್ಲಿ ಗಡ್ಡ, ಮೀಸೆಯ ಬಗ್ಗೆ ಮಾಡಿದ ತಮಾಷೆ ವಿವಾದದ ಸ್ವರೂಪ ಪಡೆದುಕೊಂಡಿದೆ. ಪಂಜಾಬ್​ ಸಮುದಾಯದ ಜನರನ್ನೇ ಗುರಿಯಾಗಿಸಿಕೊಂಡು ಭಾರತಿ ಸಿಂಗ್​ ಈ ಹೇಳಿಕೆ ನೀಡಿದ್ದಾರೆ ಎಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿತ್ತು. ಇದಕ್ಕೆ ನಟಿ ಭಾರತಿ ಸಿಂಗ್​ ಸ್ಪಷ್ಟನೆ ನೀಡಿದ್ದಲ್ಲದೇ, ಕ್ಷಮೆ ಕೋರಿದ್ದಾರೆ. ನನ್ನ ಹೇಳಿಕೆ ತಮಾಷೆಯಾಗಿತ್ತೇ ಹೊರತು ಯಾವುದೇ ಧರ್ಮಿಯರು ಅಥವಾ ಜಾತಿಯವರನ್ನು ಅಪಹಾಸ್ಯ ಮಾಡಲು ಅಲ್ಲ. ಅದರಿಂದ ಯಾರಿಗಾದರೂ ನೋವಾಗಿದ್ದರೆ ಕ್ಷಮಿಸಿ ಎಂದು ಕೇಳಿಕೊಂಡಿದ್ದಾರೆ.