ಮನುಷ್ಯರಂತೆ 15 ಕೆಜಿ ಕೇಕ್​ ಕತ್ತರಿಸಿ ಆನೆಯ ಜನ್ಮದಿನ ಆಚರಿಸಿದ ಅರಣ್ಯಾಧಿಕಾರಿಗಳು: ವಿಡಿಯೋ - ಜಿಮ್​ ಕಾರ್ಬೆಟ್​ನಲ್ಲಿ ಆನೆಯ ಬರ್ತಡೇ

ಮನುಷ್ಯರಾದ ನಾವು ಜನ್ಮದಿನವನ್ನು ಕೇಕ್​ ಕತ್ತರಿಸಿ, ಮತ್ತಿತರ ಕಾರ್ಯಕ್ರಮಗಳನ್ನು ಮಾಡಿ ಸಂಭ್ರಮ ಆಚರಿಸುತ್ತೇವೆ. ಅದೇ ರೀತಿ ಉತ್ತರಾಖಂಡದ ಹುಲಿ ಸಂರಕ್ಷಿತ ಅರಣ್ಯ ಪ್ರದೇಶವಾದ ಜಿಮ್​ ಕಾರ್ಬೆಟ್​ನಲ್ಲಿ ಸಫಾರಿ ಮತ್ತು ಅರಣ್ಯಾಧಿಕಾರಿಗಳಿಗೆ ನೆರವಾಗುವ ಆನೆಗಳ ಜನ್ಮದಿನವನ್ನು ಸಂಭ್ರಮದಿಂದ ಆಚರಿಸಲಾಗಿದೆ. ಕರ್ನಾಟಕ ಮೂಲದ ಸಾವನ್​ ಎಂಬ ಆನೆಗೆ 5 ವರ್ಷ ತುಂಬಿದ್ದು, ಈ ವೇಳೆ, ಅಲ್ಲಿನ ಅಧಿಕಾರಿಗಳು 15 ಕೆಜಿ ಕೇಕ್​ ಕಟ್​ ಮಾಡಿ ಅದಕ್ಕೆ ತಿನ್ನಿಸಿ ಜನ್ಮದಿನದ ಶುಭಾಶಯ ಕೋರಿದ್ದಾರೆ. ಬರ್ತಡೇ ಬಾಯ್​ ಸಾವನ್​ ಜೊತೆಗೆ ಇನ್ನೊಂದು ಆನೆಯನ್ನೂ ಶೃಂಗರಿಸಲಾಗಿತ್ತು. ಅಲ್ಲದೇ, ಬಣ್ಣಬಣ್ಣದ ಪೇಪರ್​ ಮತ್ತು ಬಲೂನ್​ಗಳಿಂದ ವೇದಿಕೆ ನಿರ್ಮಿಸಲಾಗಿತ್ತು. ಇಲ್ಲಿನ ಕಲಘರ್​ ಆನೆ ಶಿಬಿರದಲ್ಲಿ 16 ಆನೆಗಳಿವೆ.