ಬಂಟ್ವಾಳ: ನೀರು ಕುಡಿಯಲು ಬಂದು ನೀರಿನ ಟ್ಯಾಂಕ್​ಗೆ ಬಿದ್ದ ಕಾಡುಕೋಣ - wildbuffalow fell into a water tank at Bantwal

ಬಂಟ್ವಾಳ: ಕಾಡಿನಿಂದ ನಾಡಿಗೆ ನೀರನ್ನು ಹುಡುಕಿಕೊಂಡು ಬಂದ ಕಾಡುಕೋಣವೊಂದು ನೀರಿನ ಟ್ಯಾಂಕ್​ಗೆ ಬಿದ್ದು, ಬಳಿಕ ಹೊರಬರಲು ಪರದಾಡಿದ ಘಟನೆ ಕನ್ಯಾನದಲ್ಲಿ ನಡೆದಿದೆ. ಸಮೀಪದಲ್ಲಿರುವ ಕಳೆಂಜೆಮಲೆ ರಕ್ಷಿತಾರಣ್ಯದಿಂದ ಕಾಡುಕೋಣ ನೀರು ಹುಡುಕಿಕೊಂಡು ನಾಡಿಗೆ ಬಂದಿದೆ. ಕನ್ಯಾನ ಭಾರತ ಸೇವಾಶ್ರಮದ ನೀರಿನ ಟ್ಯಾಂಕ್​ನಲ್ಲಿ ನೀರು ಕುಡಿಯಲು ಯತ್ನಿಸಿದೆ. ಈ ಸಂದರ್ಭ, ಕೋಣ ಟ್ಯಾಂಕ್​ಗೆ ಜಾರಿ ಬಿದ್ದಿದೆ. ಮಧ್ಯರಾತ್ರಿ ಈ ಘಟನೆ ಸಂಭವಿಸಿದ್ದು, ಬೆಳಗ್ಗೆ ಆಶ್ರಮ ನಿವಾಸಿಗಳು ನೋಡಿದಾಗ ಘಟನೆ ಬೆಳಕಿಗೆ ಬಂದಿದೆ. ಸ್ಥಳಕ್ಕೆ ವಿಟ್ಲ ಶಾಖೆಯ ಅರಣ್ಯಾಧಿಕಾರಿಗಳು ಭೇಟಿ ನೀಡಿ, ಕಾರ್ಯಾಚರಣೆ ನಡೆಸಿದರು. ಟ್ಯಾಂಕ್​ನಿಂದ ನೀರು ಖಾಲಿ ಮಾಡಿ, ಕೋಣವನ್ನು ಮೇಲಕ್ಕೆತ್ತಿದರು.