ಸಿಎಂ ಏಕನಾಥ್ ಶಿಂದೆ ಭೇಟಿ ಮಾಡಿದ ಶಿವಸೇನೆಯ 66 ಕಾರ್ಪೋರೇಟರ್ಸ್​​.. ಬಂಡಾಯ ಗುಂಪಿಗೆ ಸೇರ್ಪಡೆ - ಶಿವಸೇನೆಯ ಏಕನಾಥ್ ಶಿಂದೆ

ಥಾಣೆ(ಮಹಾರಾಷ್ಟ್ರ): ಕಳೆದ ಕೆಲ ದಿನಗಳ ಹಿಂದೆ ಮಹಾರಾಷ್ಟ್ರದಲ್ಲಿ ಬಿಜೆಪಿ+ಬಂಡಾಯ ಶಿವಸೇನೆ ಮೈತ್ರಿ ಸರ್ಕಾರ ರಚನೆಯಾಗಿದೆ. ಮುಖ್ಯಮಂತ್ರಿಯಾಗಿ ಶಿವಸೇನೆಯ ಏಕನಾಥ್ ಶಿಂದೆ ಪ್ರಮಾಣ ವಚನ ಸ್ವೀಕಾರ ಮಾಡಿದ್ದಾರೆ. ಇದರ ಬೆನ್ನಲ್ಲೇ ಥಾಣೆ ಮಹಾನಗರ ಪಾಲಿಕೆಯ 66 ಕಾರ್ಪೋರೇಟರ್​​ ಮುಖ್ಯಮಂತ್ರಿಯನ್ನ ಭೇಟಿ ಮಾಡಿದರು. ಥಾಣೆ ಮಹಾನಗರ ಪಾಲಿಕೆಯ 67 ಕಾರ್ಪೋರೇಟರ್​​ಗಳ ಪೈಕಿ 66 ಮಂದಿ ನಿನ್ನೆ ರಾತ್ರಿ ಮುಖ್ಯಮಂತ್ರಿ ಏಕನಾಥ್​ ಶಿಂದೆ ಅವರ ನಂದನವನ ಬಂಗಲೆಯಲ್ಲಿ ಭೇಟಿ ಮಾಡಿದ್ದು, ಈ ವೇಳೆ ಸಿಎಂ ಗುಂಪಿಗೆ ಸೇರ್ಪಡೆಗೊಂಡರು. ಈ ಹಿಂದಿನಿಂದಲೂ ಥಾಣೆಯಲ್ಲಿ ಏಕನಾಥ್ ಶಿಂದೆ ಫಾಲೋವರ್ಸ್​ ಹೆಚ್ಚಾಗಿದ್ದು, ಇದೀಗ ಶಿವಸೇನೆಯ 66 ಕಾರ್ಪೋರೇಟರ್​​​ ಸಿಎಂಗೆ ಸಾಥ್​ ನೀಡಿದ್ದಾರೆ.