ಬಂಧನ ರಾಜಕೀಯ ಪ್ರೇರಿತವಾಗಿದ್ದರೆ, ನಾವು ಡಿಕೆಶಿ ಪರ ನಿಲ್ಲುತ್ತೇವೆ: ಆರ್.ವಿ. ಹರೀಶ್ - RV Harish, Secretary General of the JDS

ಬೆಂಗಳೂರು: ಮಾಜಿ ಸಚಿವ ಡಿ.ಕೆ. ಶಿವಕುಮಾರ್ ಅವರು ತಪ್ಪು ಮಾಡಿದ್ರೆ, ಇಡಿ ತನಿಖೆ ಮಾಡಲಿ. ಆದರೆ ರಾಜಕೀಯ ಪ್ರೇರಿತವಾಗಿ ತೊಂದರೆ ಕೊಡುವುದಾದರೆ ನಾವು ಖಂಡಿಸುತ್ತೇವೆ ಎಂದು ಜೆಡಿಎಸ್​ನ ರಾಜ್ಯ ಪ್ರಧಾನ ಕಾರ್ಯದರ್ಶಿ ಆರ್.ವಿ.ಹರೀಶ್ ಹೇಳಿದ್ದಾರೆ. ಪಕ್ಷದ ಕಚೇರಿ ಜೆಪಿ ಭವನದಲ್ಲಿ ಈಟಿವಿ ಭಾರತಕ್ಕೆ ಪ್ರತಿಕ್ರಿಯೆ ನೀಡಿದ ಅವರು, ಶಿವಕುಮಾರ್ ಅವರು ಅವ್ಯವಹಾರ ಮಾಡಿದ್ದರೆ, ತನಿಖೆ ನಡೆಸಿ ಕ್ರಮ ಕೈಗೊಳ್ಳಲಿ. ಬಿಜೆಪಿಯಲ್ಲಿ ಯಾರು ಅವ್ಯವಹಾರ ಮಾಡೇ ಇಲ್ಲವೇ ? ಎಂದು ಹರೀಶ್​ ಪ್ರಶ್ನಿಸಿದ್ದಾರೆ.