ರೈತರಿಂದ ವಿಧಾನಸೌಧ ಚಲೋ.. ಫ್ರೀಡಂ ಪಾರ್ಕ್ ತಲುಪಿದ ರ್ಯಾಲಿ - vidhansouda Chalo Rally reached to Freedom Park

ಬೆಂಗಳೂರು: ರಾಷ್ಟ್ರೀಯ ಹಾಗೂ ರಾಜ್ಯ ರೈತ ಮುಖಂಡರ ಸಮ್ಮುಖದಲ್ಲಿ ನಡೆಯುತ್ತಿರುವ ವಿಧಾನಸೌಧ ಚಲೋ ರ್ಯಾಲಿ ಫ್ರೀಡಂ ಪಾರ್ಕ್ ತಲುಪಿದೆ. ಸಂಯುಕ್ತ ಹೋರಾಟ ಕರ್ನಾಟಕದಡಿ ರೈತರು, ಕಾರ್ಮಿಕರು, ದಲಿತ ಸಂಘಟನೆಗಳ ಸದಸ್ಯರು ಸುಡುಬಿಸಿಲಲ್ಲೇ ಸಿಟಿ ರೈಲ್ವೆ ನಿಲ್ದಾಣದಿಂದ ಫ್ರೀಡಂ ಪಾರ್ಕ್​ವರೆಗೆ ರ್ಯಾಲಿ ನಡೆಸಿದರು. ಫ್ರೀಡಂ ಪಾರ್ಕ್ ಹತ್ತಿರ ಪೊಲೀಸರು ತಡೆದ ಹಿನ್ನಲೆ, ಮೊದಲೇ ನಿಗದಿಯಾದಂತೆ ಫ್ರೀಡಂ ಪಾರ್ಕ್ ಮುಂಭಾಗದ ರಸ್ತೆಯಲ್ಲಿ ಪ್ರತಿಭಟನೆಗೆ ಕುಳಿತಿದ್ದಾರೆ. ರ್ಯಾಲಿಯಲ್ಲಿ ರೈತ-ಕಾರ್ಮಿಕ ಮುಖಂಡರಾದ ಬಡಗಲಪುರ ನಾಗೇಂದ್ರ, ಕೋಡಿಹಳ್ಳಿ ಚಂದ್ರಶೇಖರ್, ವರಲಕ್ಷ್ಮಿ, ಚಾಮರಸ ಮಾಲಿ ಪಾಟೀಲ, ಸುನೀತಾ ಪುಟ್ಟಣ್ಣಯ್ಯ, ಶಂಕರಪ್ಪ ಭಾಗಿಯಾಗಿದ್ದರು. ಸಂಜೆ ನಾಲ್ಕರವರೆಗೆ ಸಭೆ ನಡೆಯಲಿದ್ದು, ಈ ಬಗ್ಗೆ ನಮ್ಮ ಪ್ರತಿನಿಧಿ ನಡೆಸಿರುವ ವಾಕ್ ಥ್ರೂ ಇಲ್ಲಿದೆ.