ಡಿಕೆಶಿಗೆ ಹಾಕಿದ್ದ ಸೇಬಿನ ಹಾರಕ್ಕೆ ಮುಗಿಬಿದ್ದ ಕಾರ್ಯಕರ್ತರು... ಕ್ಷಣಮಾತ್ರದಲ್ಲಿ ಆ್ಯಪಲ್​ ಖಾಲಿ - ಹುಬ್ಬಳ್ಳಿ ಧಾರವಾಡಕ್ಕೆ ಆಗಮಿಸಿದ ಡಿಕೆಶಿ

ಹುಬ್ಬಳ್ಳಿ: ಜಾಮೀನಿನ ಮೇಲೆ ಜೈಲಿನಿಂದ ಹೊರಬಂದ ನಂತರ ಮಾಜಿ ಸಚಿವ ಡಿ.ಕೆ. ಶಿವಕುಮಾರ್​ ಅವರು ಮೊದಲಬಾರಿಗೆ ಅವಳಿ ನಗರಕ್ಕೆ ಆಗಮಿಸಿದ್ದು, ಅಭಿಮಾನಿಗಳು ಹಾಗೂ ಕಾರ್ಯಕರ್ತರು ಕ್ರೇನ್​ನ ಮೂಲಕ ಸುಮಾರು 40 ಅಡಿ ಎತ್ತರದ ಸೇಬಿನ ಹಾರ ಹಾಕಿ ಅದ್ಧೂರಿಯಾಗಿ ಬರಮಾಡಿಕೊಂಡರು. ಕ್ರೇನ್​ ಮೂಲ ಹಣ್ಣಿನ ಹಾರವನ್ನು ಕೆಳಗಿಳಿಸುತ್ತಿದ್ದಂತೆಯೇ ಕಾರ್ಯಕರ್ತರು ಅದರ ಮೇಲೆ ಮುಗಿಬಿದ್ದು ಹಣ್ಣು ಕಿತ್ತುಕೊಂಡು ಖಾಲಿ ಮಾಡಿದ್ದಾರೆ. ಸುಮಾರು 2.5 ಕ್ವಿಂಟಲ್ ಸೇಬಿನ ಹಾರದಲ್ಲಿ ಕೊನೆಗೆ ದಾರ ಮಾತ್ರ ಉಳಿದಿತ್ತು. ಬಳಿಕ ಸಚಿವರಿಗೆ ನಗರದುದ್ದಕ್ಕೂ ಕಲಾ ವಾದ್ಯಗಳು ಮೂಲಕ ಮೆರವಣಿಗೆ ಮಾಡಲಾಯಿತು.