ಅರಣ್ಯ ಇಲಾಖೆ ಕೈಗೆ ಸಿಗದ ಹುಲಿರಾಯ ನಡು ರಸ್ತೆಯಲ್ಲೇ ಪ್ರತ್ಯಕ್ಷ... ವಿಡಿಯೋ ಮಾಡಿದವರನ್ನು ಗುರಾಯಿಸಿದ ವ್ಯಾಘ್ರ

ಕೊಡಗು ಜಿಲ್ಲೆ ವಿರಾಜಪೇಟೆ ತಾಲೂಕಿನ ಬಾಳೆಯ ಸಮೀಪದಲ್ಲಿ ಹುಲಿ ಸಾರ್ವಜನಿಕವಾಗಿ ತಿರುಗಾಡುತ್ತಿದ್ದು ಸ್ಥಳೀಯರಲ್ಲಿ ಆತಂಕ ಮೂಡಿಸಿದೆ. ಬಾಳೆಲೆಯ ದೇವನೂರು ಗ್ರಾಮದ ಅದೇಂಗಡ ದಿನೇಶ್ ಎಂಬುವವರು ತಮ್ಮ ಕುಟುಂಬದೊಂದಿಗೆ ವಾಹನದಲ್ಲಿ ಬರುತ್ತಿದ್ದಾಗ ರಾಜಾಪುರ ಮಾರ್ಗದಲ್ಲಿ ವ್ಯಾಘ್ರವೊಂದು ರಸ್ತೆ ದಾಟುವುದನ್ನು ಕಂಡು ವಿಡಿಯೋ ಮಾಡಿದ್ದಾರೆ. ಈ ವೇಳೆ ಹುಲಿ ತಿರುಗಿ ನೋಡಿದೆ. ಇನ್ನು ಈಗಾಗಲೇ ದಕ್ಷಿಣ ಕೊಡಗಿನಲ್ಲಿ ಹುಲಿ ದಾಳಿಗೆ ಮೂರು ಜಾನುವಾರುಗಳು ಬಲಿಯಾಗಿದ್ದು, ಹುಲಿಯನ್ನು ಸೆರೆ ಹಿಡಿಯಲು ಅರಣ್ಯ ಇಲಾಖೆ ಆನೆಗಳ ಸಹಾಯದಿಂದ ಕಾರ್ಯಾಚರಣೆ ಮಾಡುತ್ತಿದ್ದರೂ ಅವರ ಕಣ್ಣಿಗೆ ಬೀಳದ ಹುಲಿ ಹೀಗೆ ರಾಜಾರೋಷವಾಗಿ ಓಡಾಡ್ತಿದೆ.