ಮೊಬೈಲ್ ಅಂಗಡಿಯಲ್ಲಿ ಕೈಚಳಕ ತೋರಿಸಿದ ಖದೀಮರು
ಹುಬ್ಬಳ್ಳಿ: ನಗರದ ಗದಗ ರೋಡ್ನಲ್ಲಿರುವ ಮೊಬೈಲ್ ಅಂಗಡಿಯಲ್ಲಿ ಕಳ್ಳರು ತಮ್ಮ ಕೈಚಳಕ ತೋರಿಸಿದ್ದಾರೆ. ಅಂಗಡಿ ಮೇಲಿನ ತಗಡನ್ನು ತೆಗೆದು ಒಳ ನುಗ್ಗಿರುವ ಕಳ್ಳರು ವಿವಿಧ ಕಂಪನಿಯ ಮೊಬೈಲ್ ಹಾಗೂ ನಗದು ಕಳ್ಳತನ ಮಾಡಿಕೊಂಡು ಪರಾರಿಯಾಗಿದ್ದಾರೆ. ಕಳ್ಳರ ಕೈಚಳಕ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಈ ಅಂಗಡಿಯು ಉದಯ ಕಲಬುರ್ಗಿ ಅವರಿಗೆ ಸೇರಿದಾಗಿದ್ದು, 5 ಜಿಯೋ ಮೊಬೈಲ್, 1 ರೆಡ್ಮಿ ಮೊಬೈಲ್, ಇಪ್ಪತ್ತು ಸಾವಿರ ಮೌಲ್ಯದ ಮೊಬೈಲ್ ಐಟೆಮ್ಸ್ ಮತ್ತು ಐದು ಸಾವಿರ ಹಣ ಕಳ್ಳತನವಾಗಿವೆ. ಇನ್ನು ಈ ಕುರಿತು ಕೇಶ್ವಾಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.