ಕೊರೊನಾ ವೈರಸ್​​​ಗೆ ಲಸಿಕೆ ಕಂಡು ಹಿಡಿಯುವ ತಂಡದಲ್ಲಿದ್ದಾರೆ ಹಾಸನ ಮೂಲದ ವಿಜ್ಞಾನಿ! - ಕೊರೊನಾ ವೈರಸ್ ಗೆ ಲಸಿಕೆ

ವಿಶ್ವ ಆರೋಗ್ಯ ಸಂಸ್ಥೆ ಕೊರೊನಾ ವೈರಸ್​​​​​ಗೆ ಲಸಿಕೆ ಕಂಡುಹಿಡಿಯಲು ನೇಮಿಸಿರುವ ವಿಜ್ಞಾನಿಗಳ ತಂಡದಲ್ಲಿ ಹಾಸನ ಮೂಲದ ವಿಜ್ಞಾನಿಯೊಬ್ಬರು ಕಾರ್ಯನಿರ್ವಹಿಸುತ್ತಿದ್ದು, ಮಗನ ಬಗ್ಗೆ ತಾಯಿ ಸಂತೋಷ ವ್ಯಕ್ತಪಡಿಸಿದದ್ದಾರೆ. ಕೊರೊನಾ ವೈರಸ್ ಲಸಿಕೆ ಕಂಡುಹಿಡಿಯಲು WHO (ವಿಶ್ವ ಆರೋಗ್ಯ ಸಂಸ್ಥೆ) 10 ಜನ ವಿಜ್ಞಾನಿಗಳ ತಂಡವನ್ನು ನೇಮಿಸಿದ್ದು, ಈ ತಂಡದಲ್ಲಿ ಹಾಸನ ಜಿಲ್ಲೆಯ ಅರಕಲಗೂಡಿನ ಮಹೇಶ್ ಪ್ರಸಾದ್ ಸಹ ಒಬ್ಬರಾಗಿದ್ದಾರೆ. ಇವರು ಮೈಸೂರು ವಿವಿಯಲ್ಲಿ ಪಿಎಚ್​​​​ಡಿ ಮುಗಿಸಿ ವಿವಿಧ ದೇಶಗಳಲ್ಲಿ ಸೇವೆ ಸಲ್ಲಿಸಿ ಪ್ರಸ್ತುತ ಬೆಲ್ಜಿಯಂನಲ್ಲಿ ಕೆಲಸ ಮಾಡುತ್ತಿದ್ದಾರೆ.