ಮಂಗಳೂರಿನಲ್ಲಿ ಸಂಡೇ ಲಾಕ್​​ಡೌನ್: ಎರಡನೇ ವಾರವೂ ಯಶಸ್ವಿ - Sunday lockdown

ಮಂಗಳೂರಿನಲ್ಲಿ ಭಾನುವಾರದ ಲಾಕ್​ಡೌನ್ 2ನೇ ವಾರವೂ ಯಶಸ್ವಿಯಾಗಿದ್ದು, ಜನಸಂಚಾರ, ವಾಹನ ಸಂಚಾರವಿಲ್ಲದೆ ರಸ್ತೆಗಳು ಬಿಕೋ ಎನ್ನುತ್ತಿವೆ. ಹಾಲು, ಮೆಡಿಕಲ್ ಹಾಗೂ ಪೆಟ್ರೋಲ್ ಬಂಕ್​ಗಳು ಕಾರ್ಯಾಚರಿಸುತ್ತಿದ್ದು, ಉಳಿದಂತೆ ಮೀನು, ಮಾಂಸ, ತರಕಾರಿ, ಹಣ್ಣು, ದಿನಸಿ ಸಾಮಾಗ್ರಿಗಳ ಮಾರುಕಟ್ಟೆಯನ್ನು ಸಂಪೂರ್ಣ ಬಂದ್ ಮಾಡಲಾಗಿದೆ. ಜನರು ಲಾಕ್​ಡೌನ್​ಗೆ ಉತ್ತಮವಾಗಿ ಸ್ಪಂದಿಸಿದ್ದು, ದಿನಸಿ ಸಾಮಾಗ್ರಿಗಳ ಗೂಡ್ಸ್ ಲಾರಿಗಳು, ಮಿನಿ ಲಾರಿಗಳು ಮಾತ್ರ ಅಲ್ಲಲ್ಲಿ ಸಂಚರಿಸುತ್ತಿವೆ. ಪೊಲೀಸರು ಅಲ್ಲಲ್ಲಿ‌ ಬ್ಯಾರಿಕೇಡ್​ಗಳನ್ನು ಹಾಕಿ ಅನಗತ್ಯ ಸಂಚರಿಸುವ ವಾಹನಗಳನ್ನು ತಡೆದು ಹಿಂದಕ್ಕೆ ಕಳುಹಿಸುತ್ತಿದ್ದಾರೆ.