ದಿ. ಲ್ಯಾನ್ಸ್ ನಾಯಕ ಹನುಮಂತಪ್ಪ ಕೊಪ್ಪದ ಭಾವಚಿತ್ರ ದೇವರ ಜೊತೆಗಿಟ್ಟು ವಿಶಿಷ್ಟ ಪೂಜೆ - ದಿವಂಗತ ಲ್ಯಾನ್ಸ್ ನಾಯಕ ಹನುಮಂತಪ್ಪ ಕೊಪ್ಪದ ಭಾವಚಿತ್ರವನ್ನ ಲಕ್ಷ್ಮೀ ಜೊತೆಗಿಟ್ಟು ವಿಶಿಷ್ಟ ಪೂಜೆ

ಹಾನಗಲ್: ಹಾವೇರಿ ಜಿಲ್ಲೆ ಹಾನಗಲ್ ತಾಲೂಕಿನ ಕೂಸನೂರಿನ ಡಾ.ಹಿರೇಮಠ ದಂಪತಿಗಳು ದೀಪಾವಳಿ ಹಬ್ಬವನ್ನ ವಿಶಿಷ್ಟವಾಗಿ ಆಚರಣೆ ಮಾಡಿದ್ದಾರೆ. ದಿವಂಗತ ಲ್ಯಾನ್ಸ್ ನಾಯಕ ಹನುಮಂತಪ್ಪ ಕೊಪ್ಪದ ಅವರ ಭಾವಚಿತ್ರವನ್ನ ಲಕ್ಷ್ಮೀ ಜೊತೆಗಿಟ್ಟು ಪೂಜೆ ಮಾಡಿದ್ದಾರೆ. ಯೋಧ ಹನುಮಂತಪ್ಪ ಕೊಪ್ಪದ ಸಿಯಾಚಿನ್​ನಲ್ಲಿ ದೇಶಕ್ಕಾಗಿ ಐದು ದಿನಗಳ ಕಾಲ ಹಿಮದಲ್ಲಿ ಜೀವವನ್ನ ಹಿಡಿದಿಟ್ಟುಕೊಂಡಿದ್ರು. ಇದು ಯಾವ ಮನುಷ್ಯನಿಂದಲೂ ಸಾಧ್ಯವಿಲ್ಲ. ಹೀಗಾಗಿ ಲ್ಯಾನ್ಸ್ ನಾಯಕ ಕೊಪ್ಪದರಲ್ಲಿ ದೇವರನ್ನ ಕಂಡಿರೋ ವೈದ್ಯ ದಂಪತಿ ದೀಪಾವಳಿ ಸಂದರ್ಭದಲ್ಲಿ ಕೊಪ್ಪದರ ಭಾವಚಿತ್ರವನ್ನಿಟ್ಟು ಪೂಜೆ ಸಲ್ಲಿಸಿ ವಿಶಿಷ್ಟ ಆಚರಣೆ ಮಾಡಿದ್ದಾರೆ.