ಟೈರ್ ಬ್ಲಾಸ್ಟ್ ಆಗಿ ಧಗಧಗನೆ ಹೊತ್ತಿ ಉರಿದ ಮರಳು ತುಂಬಿದ ಟಿಪ್ಪರ್ - ಯಾದಗಿರಿಯಲ್ಲಿ ಟಿಪ್ಪರ್ ಟೈರ್ ಬ್ಲಾಸ್ಟ್ ಸುದ್ದಿ
ಯಾದಗಿರಿ ನಗರದಿಂದ ಕಲಬುರಗಿ ಜಿಲ್ಲೆಯತ್ತ ಮರಳು ತುಂಬಿಕೊಂಡು ಹೋಗುತ್ತಿದ್ದ ಟಿಪ್ಪರ್ ವಾಹನದ ಟೈರ್ ಬ್ಲಾಸ್ಟ್ ಆದ ಪರಿಣಾಮ ಇಡೀ ವಾಹನ ಹೊತ್ತಿ ಉರಿದಿದೆ. ಈ ಘಟನೆ ಯಾದಗಿರಿ ನಗರದ ಹೊರಭಾಗದಲ್ಲಿ ನಡೆದಿದೆ. ಸುದೈವವಶಾತ್‌ ದುರ್ಘಟನೆಯಲ್ಲಿ ಯಾವುದೇ ಪ್ರಾಣಾಪಾಯ ಸಂಭವಿಸಿಲ್ಲ. ಈ ಟಿಪ್ಪರ್ ಅಕ್ರಮವಾಗಿ ಮರಳು ಸಾಗಣೆ ಮಾಡುತ್ತಿದ್ದು, ಓವರ್ಲೋಡ್ನಿಂದ ಟೈರ್ ಬ್ಲಾಸ್ಟ್ ಆಗಿದೆ ಅಂತ ಹೇಳಲಾಗುತ್ತಿದೆ. ಅಗ್ನಿಶಾಮಕ ದಳದಿಂದ ಬೆಂಕಿ ನಂದಿಸಲಾಗಿದೆ. ಈ ಕುರಿತು ಸಂಚಾರಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.