ಕಾರಿನಲ್ಲಿ 7.9 ಕೋಟಿ ರೂ. ಮೌಲ್ಯದ ನಕಲಿ ನೋಟು ಸಾಗಣೆ: ಮೂವರ ಬಂಧನ - Rs 7.9 cr fake notes seized, 3 held in Odisha's Koraput

ಕೊರಾಪುಟ್ (ಒಡಿಶಾ): ಕಾರಿನಲ್ಲಿ 7.9 ಕೋಟಿ ರೂ. ಮೌಲ್ಯದ ಖೋಟಾನೋಟು ಸಾಗಿಸುತ್ತಿದ್ದ ಛತ್ತೀಸ್​​ಗಢ ಮೂಲದ ಮೂವರು ಆರೋಪಿಗಳನ್ನು ಕೊರಾಪುಟ್ ಜಿಲ್ಲೆಯ ಸುಂಕಿ ಗ್ರಾಮದಲ್ಲಿ ಪೊಲೀಸರು ಬಂಧಿಸಿದ್ದಾರೆ. ಎಲ್ಲವೂ 500 ರೂ. ಮುಖ ಬೆಲೆಯ ನಕಲಿ ನೋಟುಗಳಾಗಿದ್ದು, ತಪಾಸಣೆ ವೇಳೆ ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಆರೋಪಿಗಳು ಖೋಟಾನೋಟುಗಳನ್ನು ರಾಯಪುರದಿಂದ ವಿಶಾಖಪಟ್ಟಣಂ ಕಡೆಗೆ ಸಾಗಿಸುತ್ತಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ.