ಕೆಎಸ್​ಆರ್​ಟಿಸಿ ಗೆ ಎದುರಾದ ಒಂಟಿ ಸಲಗ: ಚಾಲಕ ಹಾಗೂ ನಿರ್ವಾಹಕರ ಸಮಯಪ್ರಜ್ಞೆಯಿಂದ ಪ್ರಯಾಣಿಕರು ಪಾರು - tarikere

ಚಿಕ್ಕಮಗಳೂರು: ಜಿಲ್ಲೆಯ ತರೀಕೆರೆ ತಾಲೂಕಿನ ಸಂತವೇರಿ ಘಾಟ್ ಬಳಿ ಒಂಟಿಸಲಗವೊಂದು ಕೆಎಸ್ಆರ್​ಟಿಸಿ ಬಸ್​ಗೆ ಎದುರಾಗಿದೆ. ಇನ್ನೂ ಆನೆಯ ನಡೆಗೆ ಪ್ರಯಾಣಿಕರು ತಬ್ಬಿಬ್ಬಾಗಿದ್ದು, ಕೂಗಾಡಲಾರಂಭಿಸಿದ್ದಾರೆ. ಆದರೆ ಸಮಯಪ್ರಜ್ಞೆ ಮೆರೆದ ಚಾಲಕ ಹಾಗೂ ನಿರ್ವಾಹಕರು ಧೈರ್ಯದಿಂದ ಸಂದರ್ಭವನ್ನು ಸಂಬಾಳಿಸಿದ್ದಾರೆ. ಸುಮಾರು ಒಂದು ಕಿ.ಮೀ. ಹಿಮ್ಮುಖವಾಗಿ ಬಸ್ ಚಲಾಯಿಸಿದ ಚಾಲಕ 50 ಕ್ಕೂ ಅಧಿಕ ಪ್ರಯಾಣಿಕರ ಆತಂಕವನ್ನು ದೂರ ಮಾಡಿದ್ದಾರೆ.