ಹುಬ್ಬಳ್ಳಿ ವಿಮಾನ ನಿಲ್ದಾಣಕ್ಕೆ ರಾಯಣ್ಣ ಹೆಸರಿಡುವಂತೆ ಒತ್ತಾಯಿಸಿ ಧರಣಿ - ಧರಣಿಯಲ್ಲಿ ಡೊಳ್ಳು ಬಾರಿಸಿ ಸಂಗೋಳ್ಳಿ ರಾಯಣ್ಣ

ಧಾರವಾಡ: ಹುಬ್ಬಳ್ಳಿ ವಿಮಾನ ನಿಲ್ದಾಣಕ್ಕೆ ಕ್ರಾಂತಿವೀರ ಸಂಗೊಳ್ಳಿ ರಾಯಣ್ಣರ ಹೆಸರಿಡುವಂತೆ ಒತ್ತಾಯಿಸಿ ಸಂಗೊಳ್ಳಿ ರಾಯಣ್ಣ ಅಭಿಮಾನಿಗಳು ಪ್ರತಿಭಟನಾ ಧರಣಿ ನಡೆಸಿದರು. ಜಿಲ್ಲಾಧಿಕಾರಿ ಕಚೇರಿ ಬಳಿ ಸೇರಿದ ಅಭಿಮಾನಿಗಳು, ಧರಣಿಯಲ್ಲಿ ಡೊಳ್ಳು ಬಾರಿಸಿ ಸಂಗೋಳ್ಳಿ ರಾಯಣ್ಣ ಅವರ ಮೇಲೆ ಪದ ಹಾಡಿ ಜೈಕಾರ ಕೂಗಿದರು. ಬಳಿಕ ವಿಮಾನ ನಿಲ್ದಾಣಕ್ಕೆ ಸಂಗೊಳ್ಳಿ ರಾಯಣ್ಣರ ಹೆಸರಿಡಬೇಕು ಎಂದು ಜಿಲ್ಲಾಧಿಕಾರಿಗಳ ಮೂಲಕ ಮನವಿ ಸಲ್ಲಿಸಿದರು.